وهاتلي ضحكة منسية بقالها زمان..
وهاتلي لمّة للعيلة بين الجدران..
وهاتلي راحة لو تقدر.. وهاتلي كمان..
قلوب لسه الرضا فيها.. ماليها ايمان.
وهاتلي بال سليم رايق يكون مضمون..
ماهوش شايل على جبينه هموم الكون.
ولو كل التعب زاره.. عليه بيهون..
تروح الدمعة من عينه.. منين ما يكون.
وناس للناس.. ماهيش حبة وشوش وخلاص..
مفيش في قاموسها من يومها وفا واخلاص.
تلاقي الضحكة مرسومة كما....الأعراس.
وأول سكة بتبيعك.. بكل حماس.
صفات الخير بقت صورة في برواز حيط..
تراب الغدر غطاها.. وغطى البيت.
رضا وشهامة ومروءة...ده أمر بسيط.
معادش فاضلنا يا دنيا غير التنطيط
وعجبى
👑
بقلم الشاعرة ...هالة محمد
رائع
ردحذف