الأهالي صدموا بكارثة في منطقة الـ 390 فدان، بعد ما لقوا جثتين مجهولتين الهوية مرميين في الشارع ومضروبين بالنار في أماكن متفرقة في جسمهم، ولحد اللحظة دي محدش عارف مين الضحايا ولا مين اللي بدم بارد عمل فيهم كده! الأجهزة الأمنية بمديرية أمن الجيزة اتحركت فوراً وفرضت كردون أمني حوالين المكان، ورجال المباحث شغالين دلوقتي على قدم وساق في تفريغ كل كاميرات المراقبة في الشوارع المحيطة والمداخل والمخارج، وبيسألوا شهود العيان عشان يفكوا لغز الجريمة الغامضة دي ويوصلوا للجناة وخط سيرهم في أسرع وقت، وفي نفس الوقت النيابة العامة باشرت التحقيقات وأمرت بنقل الجثث للمشرحة وانتداب الطب الشرعي عشان يحددوا نوع السلاح وسبب ووقت الوفاة بالظبط.. ربنا يرحمهم ويظهر الحق وتتكشف التفاصيل قريب.
#جريمة_حدائق_أكتوبر #حوادث_الجيزة #حدائق_أكتوبر #منطقة_390_فدان #أخبار_الحوادث #عاجل #تريند #اكسبلور #حوادث_مصر #الداخلية_المصرية #لغز_الجثتين بقلم الاعلامية. هبه راجح
ليست هناك تعليقات:
إرسال تعليق