كلمات: أحمد المهدي صفوت
قاعدة ومرستقة حالي قدام التلفزيون
والمسلسل التركي شغال والجو كله شجون
دخل الحج فجأة وقال: "فين الشاي والعشا"
هاتي الريموت يا ولية ده الأهلي أغلى حبيب
قلت له: "يا حاج اهدى ده البطل في غيبوبة"
والقصة لسه في أولها والحلقة محبوكة
قال لي: "بلا بطل بلا كلام ده الأهلي في الميدان"
والجون لو جه دلوقتي هيزلزل الأركان
بص لي وقال بضحكة: "يا ولية فكيها شوية"
ده الأهلي عندي في كفة.. وإنتِ في كفة تانية
قلت له: "يا حاج بلاش مناقرة ده إنت غاوي مشاكل"
والريموت في إيدي حصن.. ومحدش ليه دخل
وفجأة العيال هجموا وشغلوا "سبونج بوب"
البيت اتقلب زفة.. والدنيا في حتة هوب
الحج اتصدم ووقف يبص لي بذهول
وقال: "ده العقل مني طار.. مابقاش عندي هدوء"
دخل أوضته يبرطم ويداري في الكسوف
وقال: "حرمت أقعد في صالة مابقاش فيها معروف"
ناديته وقلت: "يا حاج تعال العيال ناموا خلاص"
الجو هدي وبقينا لوحدنا يا أعز الناس
بص لي وقال: "خلاص الشوق من قلبي راح"
"لا شوفت أهلي ولا مسلسل جاب لي صلاح"
بقى ماليش قعدة.. وهنام يلا يا ولية
وعليّ الطلاق ما أنا قاعد ولا شارب المية
ما هو طول ما الراس يابسة هيفضل بينا الخصام
اطفي النور يا ولية.. ونامي بالسلامة
ليست هناك تعليقات:
إرسال تعليق