بقلم أستاذ/محمد جلال
محرر صحفي بجريدة الأنباء العربية الأفريقية الدولية
مسؤول الاتصال والإعلام بجريدة صوت الناس الحر
مراسل صحفي أخبار مصر اليوم
اكتشفت إن الإنسان أحيانًا بيقدم للي حواليه الحاجة اللي هو نفسه كان فاقدها… وبشكل مبالغ فيه.
اللي اتحرم من الاهتمام، تلاقيه دايمًا بيسأل ويطمن ويخاف على غيره.
واللي ذاق وجع التجاهل، بيحاول مايتجاهلش حد.
واللي عاش إحساس الوحدة، بيحب يلم الناس حواليه.
واللي اتخذل، ممكن يبقى أكتر شخص متمسك بالوفا.
يمكن الإنسان مش بيبالغ في العطاء لأنه ضعيف، ولا لأنه مستني مقابل… يمكن لأنه عارف إحساس الفقد، ومش عايز حد يحس بنفس الإحساس اللي هو عاشه.
كأنه بيقول من غير ما يتكلم:
"أنا عارف الوجع ده… ومش هخليك تجربه."
وعشان كده، متستغربش لما تلاقي شخص بيدي اهتمام زيادة، أو بيخاف على غيره زيادة، أو بيحاول دايمًا يصلّح ويطمن ويحتوي.
ممكن يكون ببساطة بيحاول يعوض في غيره حاجة كان نفسه يلاقيها في حياته.
وأحيانًا… أكتر حاجة بنعرف نديها للناس، هي أكتر حاجة كنا محتاجينها وملاقينهاش.
ليست هناك تعليقات:
إرسال تعليق