أنا مؤمنة إن مش كل علاقة لازم نتمسك بيها لآخر نفس…
ومش كل استحمال اسمه وفاء.
في علاقات، الاستمرار فيها مش دليل قوة، ولا حب، ولا جدعنة…
أحيانًا بيكون خوف من البداية الجديدة، أو تعلق بالماضي، أو أمل في شخص أثبت أكتر من مرة إنه مش ناوي يتغير.
والحقيقة إن الإنسان لما يفضل في علاقة بتؤذيه، ويبرر الإهانة، ويتجاوز القسوة، ويسكت عن التقليل منه…
مع الوقت مش بيحافظ على العلاقة، هو بيخسر نفسه.
العلاقة السليمة ممكن تمر بخلافات، لكن ما ينفعش تتحول لإهانة مستمرة، أو خوف، أو استنزاف، أو كسر للكرامة.
ومهما كان الحب، ومهما كانت العِشرة، ومهما كانت الذكريات…
في لحظة لازم الإنسان يعرف إن الرحيل مش قسوة، وإن وضع الحدود مش أنانية، وإن إنقاذ النفس مش خيانة لأحد.
أنا لا أؤمن إن القوة إنك تستحمل لحد ما تنطفئ.
القوة الحقيقية إنك تعرف إمتى تكون المحاولة لها معنى… وإمتى يكون الرحيل هو القرار الوحيد اللي يحفظ ما تبقى منك.
ما تستناش لحد ما تخسر نفسك علشان تثبت إنك وفيّ.
بعض الأبواب لا تُغلق لأننا كرهنا من وراءها…
لكن لأننا أخيرًا فهمنا إن مكاننا لم يعد هناك.
أحيانًا… الرحيل مش نهاية علاقة، الرحيل بداية نجاة
بقلم
عاشقة الوطن سحر غانم
ليست هناك تعليقات:
إرسال تعليق