بقلمى ✍️ احمدحمدى مستشارعلاقات دبلوماسية المجلس العربى الافريقى الدولى
المقاااااااال 👇
خلينا نبطل نحكم على الست من كلمة “مطلقة” وكأنها تهمة…
لأن الحقيقة اللي ناس كتير مش بتحب تسمعها، إن أغلب المطلقات ما سابوش بيوتهم عشان مزاج أو نزوة، لكن لأنهم عاشوا وجع طويل، وسكتوا كتير، واستحملوا أكتر مما أي حد يتخيل.
في ستات اتطلقت لأنها رفضت الإهانة، وفي ستات سابت لأنها اكتشفت إن كرامتها أهم من أي علاقة، وفي ستات تعبت من الخذلان لدرجة إنها ما بقتش قادرة تكمل يوم واحد زيادة.
المرأة اللي خرجت من علاقة مـ. ـؤذية ما هربتش… هي اختارت تنقذ نفسها قبل ما تضيع نفسها بالكامل، واختارت تحافظ على اللي باقي من روحها بدل ما تفضل كل يوم تخسر جزء جديد منها.
والطلاق مش معناه إنها فشلت… أحيانًا الطلاق بيكون أول قرار صح بعد سلسلة طويلة من القرارات الغلط، وأحيانًا بيكون بداية حياة جديدة بعد سنين من الوجع والصبر والاستنزاف.
🛑 الخلاصة
مش كل مطلقة كانت زوجة سيئة… أحيانًا بتكون ست قوية قررت إنها ما تعيشش عمرها كله مكسورة.
تحية لكل امرأة اختارت كرامتها، وأنقـ. ـذت نفسـ. ـها من علاقة كانت بتطـ. ـفيها كل يوم، وقررت تبدأ من جديد مهما كان الثمن.
ليست هناك تعليقات:
إرسال تعليق