بقلمى ✍️
احمد حمدى
مستشار علاقات دبلوماسية بالمجلس المصرى الدولى لحقوق الانسان
..في حاجتين بيعيشوا معاك العمر كله، مهما السنين عدّت، ومهما الدنيا لفت بيك..
"سندة في شدّة، وتخلّي في ضعف". 📌
السندة دي بتفضل محفورة جواك، لحظة حد وقف جنبك من غير ما تطلب، وقت ما كنت في أضعف حالاتك، وقت ما الكل مشي وسابك، وهو الوحيد اللي مدّ لك إيده.. الشخص ده حتى لو بعدت عنه، عمره ما هيتنسي، لأن المواقف الحقيقية هي اللي بتثبت معادن الناس.
أما التخلي.. فده الوجع اللي مهما الدنيا داوتك، بيفضل جواك أثره، اللحظة اللي كنت محتاج فيها كلمة، طبطبة، حتى نظرة، ولقيت اللي كنت فاكرو جنبك هو أول واحد بيقفل الباب في وشك.. دي اللحظة اللي بتعلّمك إن مش كل اللي حواليك أهل للثقة، وإن مش أي حد تقربه منك يستحق يكون سند.
عشان كده، حافظ على اللي ساندك، وانسى اللي خذلك.. واللي باعك مرة، عمرك ما تشتريه تاني..🖤
ليست هناك تعليقات:
إرسال تعليق