بقلمى الصحفى
/احمد حمدى محررصحفى بجريدة انباء العربى الافريقى
ومستشار اللجنة العليا لحقوق الانسان والتنمية
تبان مبتسمه ف الصوره
تدارى ف حزنها وم الخوف ..
بترضي وعايشه مقهوره
إلي البنت إللي مكسوره
وبرغم الكسره مبتشكيش
وعايشه حياتها تعبانه
ورغم تعبها حابه تعيش
وكاتمه ألمها وبكاها
ورغم وجعها مبتحكيش
بتفضل شايله جواها
حاجات ف الاصل قتلاها
إلي العايشه ووياها ..
وجع هيكفي باقي العمر
إلي المخنوقه والخنقه كانت ليها ولي الأمر
إلي البنت إللي بتصونك
وحالفه برضوا م تخونك
إلي البنت إللي ف عيونك ..
واحده مقصره وياك
بتبقي معاك ..
أصيله وبنت ناس جداً
تبيع الكون لأجل أنك تكون راضي
ولما ف مره تحتاجلك ..
يكون ردك .. منيش فاضي
إلي إللي مزاجها متعكر
وطول الوقت بتفكر
إلي إللي حبيبها متنكر ..
في زي ملاك وهوا شيطان
بيلعب بيها ويخونها
ويعمل أنه مجنونها
ويحلف أنه هيصونها
وفجأه يسيب !
ولما تعاتبه يتمرد
ويتحجج ب١٠٠ حجه
يقولها مره كان مشغول
ومره موبايله كان مقفول
ومره مشافش رناتها
ويلعب كوره بحياتها
إلي المجروحه في ذاتها
إلي البنت إللي أوقاتها ..
بتمضي ب بطيء ومبتمشيش
إلي البنت إللي رغم عذابها .. مبتبكيش
مساء الخير علي عيونك
يا أجمل أنثي ف كل الكون
يا غاليه بكل م فيكي
يا حلوه حتي من دون ..
م تبقي البسمه ف شفايفك !
أنا شايفك ..
أنا حاسك ك نجمه منوره ليلها
مساء الخير علي أجمل بنات جيلها
إلي إللي لو تقبل أغنيلها
هغنيلها أغاني كتير
كفايه يكون غنايا علشان ..
بنت حلوه بقلب كبير
ليست هناك تعليقات:
إرسال تعليق