كتبة لكم /احمد حمدى جريدة انباء العربى الافريقى
ومدير الاتصال والاعلام بجريدة صوت الناس الحر
كانت هتدخل الحبس بسبب 9 آلاف جنيه.. ظابط شرطة غير مصيرها وفرح بنتها بنفسه ❤️
في وقت بقينا بنسمع فيه عن مشـ.ـاكل وقسوة كتير، موقف صغير من ظابط شرطة رجع الأمل في قلوب ناس كتير🥹
ست عجوزة بسيطة، زوجها متوفى، وعايشة هي وبنتها على قد حالهم، وكانت بتشتغل بياعة شاي علشان تعرف تصرف على بيتها وتجهز بنتها. لكن الظروف وقفت ضدها، واتعثر عليها قسط جهاز بنتها اللي كان حوالي 9000 جنيه، واتعرضت للحبس بسببهم.
وأثناء وجودها في القسم، ظابط سمع قصتها بالصدفة. عرف إنها ست غلبانة، مالهاش حد، وكل حلمها تفرح ببنتها قبل ما تموت.💔
الظابط ما اكتفاش إنه يتعاطف معاها وبس.. لا، قرر يدفع المبلغ كامل من جيبه علشان يخرجها، ويرجعلها كرامتها وفرحتها.
الأجمل بقى إن الموضوع ما وقفش عند كده، لما جه يوم الفرح، الظابط أصر إنه يحضر بنفسه، ووقف جنب العروسة وسلمها لعريسها كأنه أخوها فعلًا، وخلى الأم تحس إن الدنيا لسه فيها سند ورحمة.😭
مواقف زي دي بتأكد إن الإنسانية لسه موجودة، وإن فيه ناس مناصبها ما غيرتش قلبها، بالعكس خلتها أقرب للناس وأوجاعهم.
تحية واحترام لكل إنسان بيختار الرحمة وهو قادر يكون قاسي.👏
ربنا يحميه يارب ويحفظه ويكتر من أمثاله 🤲
ليست هناك تعليقات:
إرسال تعليق