بقلم /هدي محمد
في لحظة صادقة مع نفسك…
هتكتشف إنك بتدي أكتر مما لازم، وبتبرر لناس ما تستاهلش التبرير، وبتستحمل جفاف في التقدير كأنه عادي… وهو مش عادي.
لما تلاقي نفسك بتعمل ومحدش بيشكر، بتسند ومحدش يقدّر، بتدي من قلبك ومفيش حتى كلمة ترجعلك… هنا لازم تقف.
مش علشان تقسى… لكن علشان تعرف قيمتك.
مش كل عطاء واجب، ومش كل علاقة تستاهل الاستمرار.
وفي فرق كبير بين إنك تكون طيب… وبين إنك تسمح لحد يستهلكك.
اللي يقولك: "أنا ما طلبتش منك تعمل"
يبقى ببساطة بيقولك: "أنا مش شايف اللي بتعمله أصلاً"
وساعتها، ردك مش بالكلام… ردك يكون بالفعل:
انسحب بهدوء، واحتفظ بكرامتك.
العزة مش غرور…
العزة إنك ما تفضلش في مكان بيقلل منك، ولا مع حد شايف وجودك عادي.
اتعلم إن العطاء ليه أهل…
وإن التقدير مش رفاهية، ده حق إنساني بسيط.
مش كل انسحاب خسارة…
في انسحابات هي النجاة بعينها.
#هدي_محمد
#مش_ملزم_تثبت_طيبتك
#اعرف_قيمتك
#العطاء_لي_أهله
#العزة_كرامة
#مش_كل_خسارة_خسارة
ليست هناك تعليقات:
إرسال تعليق