مقال بقلم د/ أمل السيد
استشارى صحه نفسيه ولايف كوتش
✍🏻 الانحراف — في صورته الظاهرة — سلوك بيخرج من القيم والمعاييروانماط الحياه المقبولة اجتماعيا الى السلوكيات الغير مرغوب فيها ....
لكن الحقيقة الأعمق ان الانحراف نادراً ما يبدأ من رغبة في الخطأ…
غالبا بيبدأ من وجع داخلي مش متشاف.... من احتياج مش متحقق ...
ومن فراغ عاطفي أو فكري يجعل الشخص يبحث على طريقه او سلوك … حتى لو كان خطأ ..
..الانحراف.. لما يبقى رد فعل مش قرار.....
كتير من التصرفات اللي بنسميها “انحراف” هي في الحقيقة استجابات نفسية لألم مكبوت الطفل اللي ماحدش سمع صوته المراهق اللي اتقارن طول عمره باقرانه الشاب اللي اتساب يواجه الحياة لوحده كلهم ممكن يسلكوا طرق كلها غلط ولخبطه… مش لأنهم سيئين... لاطبعا.....
لكن لأنهم مش متشافين صح
أحيانا الانحراف بيبقى محاولة يائسة للفت الانتباه...شوفونى … اسمعوني… حد يفهم أنا موجوع قد إيه...من الألم للسلوك…
سلسلة مش صدفة من الالم من الاهمال وعدم الفهم لشخصيتهم تجعلهم يلجأون للسلوكيات المنحرفه الغير سويه يعنى ناتج حياه غير صحيه وغير سليمه بتدفعهم للسلوك الغير سوى والطريق المنحرف وده ناتج من عدم تقبلهم لانفسهم وعدم وعيهم ومعرفتهم بما يحتاجونه...
ومدى احتياجهم ليد المساعده تمتد لهم تاخد بايديهم وتعرفهم على والطريق الصح وتعرفهم على انفسهم بشكل صح وواضح وتصصح لهم بعض المعايير الخاطئه وبعض المفاهيم المغلوطة مع عدم وجود معنى او هدف لحياتهم .....
عندما يتحقق كل هذا وتتواجد الايادى المساعده والداعمه ووجود المعنى والهدف فى الحياه نظرتهم للخطأ والانحراف سوف تتغير تغير جذرى وطريقهم سيتضح امام اعينهم ومن هنا نبدا الطريق الصحيح.....
الله يحفظ الجميع ويبعد عنهم اى سوء ....✨✨💡☘️💡
ليست هناك تعليقات:
إرسال تعليق