لما كنت صفيرة كان العمار جوة البيوت

لما كنت صفيرة  كان العمار جوة البيوت....فاكرة انا لما كانت قصاد بيتنا..شجرة توت....وفكرة جدي بالجلبابة..وف ايديه ماسك نبوت....ما اجمل هوا العصاري...كنت خجولة انا لحالي....كنت واقفه بالضفاير...جنب قلة..جنب بيتنا كان حديقة مزروعه ورد وفله.... وامي من وسطينا قاعدة....واحنا من حواليها لمة....كنا نحكي ف الاصول...كنا بالأدب نقول....كنا بنحاول نطول....اول فرع من التوته....وانا كنت لسه يادوب بين اخواتي صغنطوته.......كنا بنرضا بالجودة....ونقول الجودة ف الجدودة....كنا نهلهل ونلعب...بعديها نركب قعودة.....فاكرة احنا كيف ما كنا...بس كنا.....كانت الفرحة املنا....كان زمان كان فيه ادب كان فيه احترام....كان لما الاب يحضر...نلتزم يتمنع الكلام....كنا لما نطلب علم كان الادب اجمل علام.....كانت لما البنت تكبر...ويقولوها جي عريس...تغتشي ع نفسها....مش تقف ترقص تهيص...كان الخجل يبان عليها...كان لما الاب يناديها....يقولها راي العروسة...كان تقوله بعد منك كلمتي   ولا ليها عوزة....كنا نسمع صوت سنادر والمراكب...والسواقي.....كانت الشهامه علامه ف كل راجل تلاقي.... ولفت بينا العصور...والخجل راح والاصول....ولا بقينا نفكر ف موت...ولا حتي فاكرين قبور......بقينا نسمع طبل ورقص. . وبنت ليل وراكبة تاكس...والحياة مشيلنا عكس....وع الكبير نقف نثور.. ...الخجل والحيا راح....مبقاش حتي فيه سماح....الاخ بيعادي ف اخوة...لاجل طمعان ف البراح.....لاجل طمعان ف القصور...لاجل طمعان ف الاراضي...ولا افتكر حتي القبور  لا عن بخته راضي... كان اكبر حلم ليه ..انه يدوس ع اللي ليه..... الطمع..والحقد فيه...ونزوت حياة تعمية.....نيجي نفتكر عادات...نلاقي نفسنا ف نزوات....ياريت العصور ما جات....ياريت العصور  وقفت بينا.  ...كل ما العصور تدور...تكتر ذنوبنا وبلاوينا...واتفير بينا الزمان....كل ما نفتكر عادات....نلاقي نفسنا ف سكات....ف صمت حتي الممات..... وتاخدنا النزوات...وننسي كل اللي فات....لا توقفنا تقاليد...ولا توقفنا عادات....كان زمان الجيره حلوة...والصبي يخاف ع البنيه....عينه ف الارض تملي ...وهي رايحه وهي جاية.....ولما لفت العصور جت معها الازيه...بعد ما كنا ف نور...صبحنا ف زمان رزيه.....مين يرجعني لطفولتي...لما كنت انا صبيه.....كان الالتزام طبيعتي...والادب دا طبع فيه....دلؤتي بشوف بعيني طفوله صعبه ومفترية....بنعلم ولادنا اسوة والفساد ودي القضية...ياريت يا زماني ترجع بالاصول وبمصداقية...دلؤتي بقه الكدب علني ف بشر شر بريه.....مين يرجعني لطفولتي. لما كنت انا صبيه...كان الالتزام طبيعتي...والادب دا طبع فيه.....الكاتبه والشاعرة سحر غانم