-2-
خلاص هتنزل المرة دي ...
مين فينا يقدر ينسي الجملة الشهيرة للكوميديان العبقري عبدالفتاح القصري في فيلم (ابن حميدو). "أنا راجل وعمر كلمتي ما تنزل الأرض أبد" يعقبها جملة "خلاص هتنزل المره دي" متراجعًا فيها عن موقفه وتحسينًا لموقفه، يتبعها بجملة "بس أعملي حسابك المرة اللي جايه مش ممكن تنزل أبدًا" كمحاولة لحفظ ماء الوجه. الجملة دي أصبحت أيقونة للزوجة المتسلطة والزوج الخاضع أمام تسلطها. و تسلط الزوجة على الزوج له أسباب كتير جدًا، واحد من أهم الأسباب دي هو اختلال تطبيق القوامة. والقوامة في معناها الحقيقي هو "القيام على شؤون الآخرين" أو "الرئاسة والسيادة". وفي الإسلام، القوامة للراجل معناها إنه مسؤول عن توفير الاحتياجات المادية والعاطفية لأسرته، وإن يكون قائدًا لبيته. في معناها كما فسرها الإسلام هي مسؤولية وليست سلطة. ومع ضغوط الحياة وفي بيوت كتير اضطَرت الزوجة إنها تنزل سوق العمل وتشتغل وتساعد الزوج في توفير الاحتياجات المادية، يعني بتشارك في المسؤولية مع زوجها مش في السلطة الممنوحة ليه. ولكن للأسف بيحصل إن في حالات كتير ونتيجة مشاركة الزوجة المسؤولية مع الزوج بتتشوه العلاقة وبتمتد لمشاركة الزوجة السلطة مع الزوج، بل وفي بعض الحالات أنفراد الزوجة بالسلطة دي , وهنا بتبدأ المشكلة ويظهر هنا مدى قدرة الزوج على الحفاظ على سلطته في قيادة الأسرة، ويكون حنفي بتاع "خلاص تنزل المره دي" أو حنفي بتاع "خلاص مفيش حنفي".
قوامة الرجل لأسرته هي منحة من الله وأمانة ومسؤولية مش بس مجرد سلطة وحق
محمد علي عبدالمجيد
احسنت
ردحذف