عندما تعترض العاريات على حديث المحترمات !!!

كتب : محمد العشري 

 القديرة نجوى ابراهيم تفضح فنانات اللحم الرخيص !!

====================

 نقيب اللحم الرخيص يعترض على حديث ماما نجوى !!!

===============

بعد ما ماما نجوى إبراهيم قالت جملتها الشهيرة التي فضحت الوسط الفني كله واوضحت أن بعض اعمال الفن قائمة على عرض اجسام الفنانين وإظهار مفاتنهم بغض النظر عن ما هو قد يظهر للناس والذي من المفروض أنه لا يظهر إلا لازواجهم فقط ، واوضحت مفاهيم بناء الجيل وكيف هي قامت ببناء جيل جميل يحترم الدين والقيم والأخلاق ، نجد السيد نقيب الفنانين يخرج بسرعة على الهواء وهو ما لم تعهده فيه من قبل ليطلب من الفنانة القديرة المحترمة التي تربى على صوتها ومفهومها أجيال وانا واحدا منهم ، ليطلب منها أن تقوم بالاعتذار الرسمي لهولاء تجار اللحم الرخيص ؟؟!!؟

فما كان من الإعلامية والفنانة القديرة أن قامت بالرد عليه بهذه الجملة

 (( "أنا ماما نجوى.. ما بعتذرش لحد واللي قلته أنا راضية عنه!".)) . 

وبعد ما لقنت للفنانين والفنانات درس قاسي في مفاهيم الدين والأخلاق والأدب والتربية

قالت لهم كفاكم رخص فيما تقدمونه من أجل المال ، انتم تقومون بهدم السيدة المصرية ، انتم تقدموا الست المصرية بمنتهى الرخص، وان الراجل المصري ليس لديه نخوة ولا بيغير على زوجته.. كفاكم عري وعرض لحم أجسادكم للعالم !!!!

 وقالت مقوماتها التيرقلبت الدنيا رأسا على عقب ( مينفعش تلبسوا المايوه في البحر وتطلعوا بيه على الشغل !".) . هذه اهانة لكل القيم التي تربينا عليها .

ولكن نقيب الممثلين الذي من المفروض أن يكون له دورا في هذه المساخات التي تقدم الدكتور أشرف زكي لم يكن راضيا عن ما قيل من ماما نجوى واعتبرها إهانة كبيرة، وتحدث مباشرة مع رئيسة المحطة وقدم شكوى في ماما نجوى وقال إن الذي حدث يعتبر إهانة للممثلين والممثلات، ونجوى إبراهيم لازم تعتذر على الهواء.. وأنا عايز أرد وأدافع عنهم!"..

وعندما علمت الفنانة والإعلامية القديرة بذلك 

 بكل ثقة وبكل هدوء وقوة رد عليه وقالت له : "

اتفضل رد من خلال البرنامج"..

وهذه كان حديث النقيب كما قاله بالحرف الواحد  

: "اللي حضرتك قولتيه مرفوض، وفيه إهانة كبيرة لينا كفنانين وفنانات.. ميصحش تتجاوزي في حق مهنة انتي جزء منها والمفروض إنك فنانة!".. 

وماما نجوى بكل ثبات: "حضرتك كده رديت؟!".. والنقيب: "لا لسه هكمل.. انتي قلتي بيلبسوا ما. يوهات وبيطلعوا بيها على المهرجانات… مين دول؟! قولي أسماء محددة.. وبعدين إيه قصدك من ازواج الفنانات بيسيبوهم يلبسوا عادي.. قولي مين بيعمل كده؟! 

ولا تقصديني أنا وزوجتي مثلاً؟!".. 

كل حديثه كان ليس له أي معنى وكل تركيزه كان منصب على. معرفة الاسماء أو بمعنى آخر كان يريد أن تتحدث ماما نجوى وتسمي اسماء بعينها حتى يوقعها في الفخ !!!!

ولكن الإعلامية القديرة ماما نجوى: "

قالت يا فندم مش هقول أسماء، حضرتك عارف كل حاجة وعارف اللي فيها كويس.. أنا جايبة حضرتك ترد لكن مش هتناقش معاك .

وردت عليه بكلمة واحدة هزت الشاشة وقضت على أي محاولة للضغط عليها: "حضرتك نقيب للممثلين.. وأنا ماما نجوى! ما بعتذرش لحد، واللي قلته أنا راضية عنه تماماً.. اتفضل كمل ردك!".. وعندما وجد الدكتور النقيب هذه القوة والهدوء في الرد عليه ، قال لها : "لازم تعرفي إننا بنحترمك ونقدرك .. شكراً ليكي".. وقفل السكة!

هذا كان رد السيد نقيب الممثلين على القديرة المحترمة ماما نجوى التي أثبتت العالم كله أن الست المصرية لابد وأن تحترم دينها اولا والقيم التي تربت عليها . 

ولكن حدث ما لم يكن أحد يتوقعه بعد هذه القصة التي هزت السوشيال ميديا 

فقد فوجئت القديرة ماما نجوى باتصال من سيادة المستشار ... مرتضى منصور اللي كان يشاهد الحلقة في منزله .. أول ما سمع كلام أشرف زكي وهو بيقول لماما نجوى: "لازم تعتذري".. قام وقف.. و مسك التليفون.. وكلم ماما نجوى إبراهيم بنفسه.. قالها: يا ماما نجوى.. أنا مرتضى منصور.. أنا اللي هجيب لك حقك.. انتي متعيطيش.. انتي ست محترمة.. وقولتي كلمة حق.. وأنا معاكي..

وبعد المكالمة.. مرتضى منصور طلع في فيديو من مكتبه.. الفيديو ده و لع الدنيا.. مرتضى كان لابس البدلة.. وماسك ورق.. ويتحدث بصوته وطريقته المعهودة واعطى لاشرف ذكي درس لن ينساه .

وقال له 

 اسمع يا أشرف يا زكي.. انت نقيب الممثلين على عيني وراسي.. لكن ماما نجوى إبراهيم دي أمنا كلنا.. دي ست عندها 80 سنة.. دي اللي ربتنا.. تيجي تقولها اعتذري؟.. انت اتجننت يا أشرف؟

وكمل: انت بتقولها قولي أسماء محددة؟.. طب أنا هقولك أسماء.. ولا بلاش.. انت عارف.. وكلنا عارفين.. انت عارف مين بيلبس مايوه في البحر ويطلع بيه على المهرجانات.. وعارف مين بيقدم الست المصرية بمنتهى الر خص.. وعارف مين بيقدم الراجل المصري إنه معندوش نخوة.. بس انت عامل نفسك مش عارف.. عشان انت النقيب.. وعايز تدافع وخلاص..

مرتضى قال: ماما نجوى قالت كفاية .. وآه كفاية .. وكفاية تعري.. وكفاية قلة أدب على الشاشة.. هي قالت إيه غلط؟.. هي قالت احترموا الشاشة واحترموا الجمهور.. ده غلط؟.. ده عيب؟

وبعدين قال الجملة اللي خلت الفيديو يبقى تريند رقم 1: يا أشرف.. انت بتقول لماما نجوى انتي فنانة ولازم تحترمي المهنة.. طب ما تحترم انت المهنة الأول.. وتحترم ست قد أمك.. وتقولها شكراً يا ماما نجوى انك لسه بتقولي كلمة الحق.. بدل ما تقولها اعتذري..

مرتضى ختم الفيديو وقال: أنا بقولها من هنا.. ماما نجوى مش هتعتذر.. ومش هتعتذر لحد.. واللي قلته هي راضية عنه.. وأنا راضي عنه.. ومصر كلها راضية عنه.. ولو حد فكر يضغط عليها تاني.. أنا موجود.. وأنا هعلمه الأدب.. بالقانون.. أنا مرتضى منصور.. المحامي.. اللي مبيخافش من حد..

وطبعا الدكتور أشرف ذكي لم يجرؤ على الخروج للاعتراض على كلام سيادة المستشار مرتضى منصور لانه يعلم جديدا ماذا يمكن ان يحدث له .

وفي نهاية الحوار نجد أن كلمة الحق هي التي استمرت و لا ماما نجوى اعتذرت، ولا تراجعت عن كلمة واحدة، ولا المحاولات والضغوطات التي واجهتها هزت فيها شعرة.. وبعد ما قالت: أنا ماما نجوى ما بعتذرش لحد.. دخل الوحش مرتضى منصور ووقف في ضهرها وقال لأشرف زكي أنا هقفلك وماما نجوى مش هتعتذر وموقف يثبت إن هيبة الحق والكلمة الصادقة أقوى من أي منصب!