بقلم *إيناس عماد*
أعرب الفنان *أحمد الجوهري* عن سعادته البالغة بالنجاح الكبير الذي حققه عرض مسرحية *"حارة الكتعة - الدكتور ضد المافيا"* أمام جمهور الإسكندرية العظيم على مسرح عبد المنعم جابر.
وقال الجوهري في تصريحات خاصة: "جمهور إسكندرية ليه مكانة خاصة في قلبي، كامب شيزار ومسرح عبد المنعم جابر دول ذكريات عمري كلها في الوسط الفني. سعادتي لا توصف وانا شايف الناس بتصفق وبتتفاعل مع رسالة العرض".
وكشف الجوهري عن سبب موافقته على نص المسرحية قائلاً: "وافقت على النص لأنه بيقدم فن بجد، ورسالة واضحة وصريحة عن قضية خطيرة وهي *تجارة الأعضاء*. أنا بقدم شخصية رجل اشتغل في تجارة الأعضاء لكنه مش راضي عن نفسه وعايز يتوب، وده الصراع الإنساني اللي حبيت أوصله للناس".
وأضاف: "تصفيق جمهور إسكندرية بعد العرض وسام على صدري وإضافة كبيرة لمشواري الفني، ده الحافز
اللي بيخليني أكمل وأقدم فن هادف".
ووجه الجوهري الشكر لكل فريق العمل على المسرح قائلاً: "بشكر كل زملائي فريق العمل فرد فرد على المجهود الجبار، وشكر خاص للمخرج المبدع *حسام حسن* اللي قدر يطلع العرض بالشكل المشرف ده، راجل فاهم يعني إيه مسرح ويعني إيه رسالة".
واختتم الجوهري حديثه: "مسرح إسكندرية هيفضل منبر للفن الحقيقي، وجمهورها هو اللي بيصنع النجوم".
*#حارة_الكتعة #أحمد_الجوهري #مسرح_عبدالمنعم_جابر #الإسكندرية #حسام_حسن*
ليست هناك تعليقات:
إرسال تعليق