ممكن تزعل من أمك، ممكن تختلف معاها، ممكن تحس انها مش فاهماك...
بس إياك تفتكر ان زعلك منها يديك الحق تكسر بخاطرها.
الدنيا كلها ممكن تعوضها...
شغل يروح وييجي شغل تاني، صاحب يبعد وييجي صاحب غيره، حتى الحب ممكن تلاقيه تاني
إلا أمك...
لو راحت، مفيش حاجة في الدنيا هتعرف تملى مكانها، ولو انكسرت منك بكلمة، هتفضل الكلمة دي وجع في قلبك انت قبل قلبها.
اتعلم تقول "حاضر يا أمي" حتى وانت مش مقتنع، اتعلم توطي صوتك حتى وانت على حق، اتعلم تعتذر حتى لو هي اللي غلطانة.
مش ضعف والله... ده بر، ده أصل، ده دين.
أمك مش محتاجة تكون مثالية عشان تستاهل احترامك، كفاية انها ضحت بعمرها كله عشان انت تبقى كويس دلوقتي.
زعلها لحظة، ورضاها عمر.
خليك دايما فاكر...
اللي مالوش خير في أمه، مالوش خير في حد.
بقلم ...عاشقة الوطن سحر غانم
ليست هناك تعليقات:
إرسال تعليق