كتب المقااال 👇
بقلم احمدحمدى مستشار علاقات دبلوماسية المجلس الافريقى للاتحاد الدولى ورئيس اللجنة العليا المجلس الاعلى لتنظيم الاعلام
أصعب إحساس ممكن تعيشه زوجة، إنها تكتشف إن جوزها بيحكي للناس تفاصيل حياته، وياخد قراراته معاهم، ولما الموضوع يوصل لها تكون الحكاية خلصت!
المشكلة مش إن جوزك عنده أسرار أو مساحة خاصة، لأن كل إنسان له خصوصيته.
المشكلة لما تلاقي نفسك مستبعدة من أمور تخص بيتك، أو تعرفي خبر مهم عن شريك حياتك من شخص غريب، فتسألي نفسك: هو ليه ما اختارش يحكيلي بنفسه؟
الزوجة مش محتاجة تعرف كل تفصيلة في يوم جوزها، لكنها محتاجة تحس إن ليها مكان في حياته، وإن رأيها له قيمة، وإن الأمور اللي تخص بيتهم مش بتتقرر بعيد عنها.
فيه فرق كبير بين راجل بيحافظ على خصوصيته، وراجل بيخلّي زوجته آخر واحدة تعرف أمورًا من حقها تكون شريكة فيها.
لأن الثقة مش إنك تحكي كل حاجة، الثقة إنك ما تستبعدش أقرب إنسانة ليك من الحاجات اللي تخصها.
والجواز مش مجرد بيت واحد بيجمع اتنين، الجواز شراكة تخلي كل طرف حاسس إنه موجود، ومسموع، وليه مكان حقيقي في حياة التاني.
ليست هناك تعليقات:
إرسال تعليق