بقلم أستاذ/محمد جلال
محرر صحفي بجريدة الأنباء العربية الأفريقية الدولية
مسؤول الاتصال والإعلام بجريدة صوت الناس الحر
مراسل صحفي أخبار مصر اليوم
أوقات كتير الإنسان يفتكر إنه جامد، وإن الدنيا ماشية معاه لأنه شاطر وبيعرف يتصرف، وإنه عمره ما وقع ولا اتكسر ولا احتاج لحد...
بس الحقيقة اللي لازم نعترف بيها إن مش كل مرة عدّت عليك كانت بسبب قوتك... يمكن ربنا هو اللي كان ساترك.
يمكن ناس كتير شافت غلطاتك وسكتت، ويمكن مواقف كان ممكن تفضحك لكن ربنا سترها، ويمكن حاجات كنت فاكر إنك عديتها بذكائك، وهي في الحقيقة عدّت برحمة ربنا.
إنت مش جامد... إنت مستور.
والستر نعمة كبيرة، بس المشكلة إن الإنسان لما يفضل مستور فترة طويلة، يبدأ يصدق إنه مفيش حاجة تقدر عليه، وينسى إن بينه وبين انكشاف كل حاجة لحظة واحدة.
عشان كده متتكبرش على حد، ومتعايرش حد بغلطة، ومتفتكرش إنك أحسن من غيرك لمجرد إن غلطاتك لسه مستخبية.
يمكن أنت مستور النهارده، وبكرة غيرك يكون مستور.
خليك فاكر دايمًا:
الستر مش دليل إنك معصوم... الستر دليل إن ربنا لسه بيديك فرصة.
فبدل ما تقول: أنا جامد ومحدش يقدر عليا
قول: الحمد لله إن ربنا ساترها معايا.
ودي لوحدها نعمة تستاهل شكر العمر كله.
ليست هناك تعليقات:
إرسال تعليق