متابعة ورصد الخبر 👇
بقلم ✍️
احمد حمدى مستشار علاقات دبلوماسية لاتحاد الدولى ورئيس المجلس الاعلى للصحافة والاعلام
غلطتها إنها قالت له ثواني. واللي حصل بعدها محدش كان يتوقعه. جوه قسم الأطـ ـفال في معهد الكبد بشبين، كانت ممرضة بتتعامل مع حالة ومركزة مع الطفل اللي قدامها. وفي الوقت ده طلب منها أحد النواب إنها تعمل حاجة تانية. قالتله بكل هدوء. “ثواني بس أخلص مع الحالة”. لكن بدل ما يتفهم إن هي في وسط حالة وبتؤدي شغلها، اتفهم إن هي مش بتسمع كلامه. وهددها إنه هيبلغ رئيس القسم عليها. فردت عليه بعفوية: “روح بلغه، هو هيعضني يعني؟” هي طبعاً ما كانتش تعرف إن رئيس القسم لما ييجي… الموضوع مش هيقف عند مجرد عتاب أو تحقيق. رئيس القسم وصل. وبدل ما يسمع الطرفين ويحاول يحل الخلاف، بدأت الأمور تتصاعد. وبحسب الرواية المتداولة عن الواقعة، تعرضت الممرضة للإهانة والسب بألفاظ جارحة. ووصل الأمر، بحسب الرواية، إلى أهلها، وبعدها تطور الموقف إلى الاعتداء عليها أمام الحالات والعمال والمرافقين الموجودين داخل القسم. والأخطر من كده، إن الرواية بتقول إن رئيس القسم خلع حذاءه واعتـ,ـدى عليها به قدام الموجودين. تخيل المشهد… ممرضة واقفة بتؤدي شغلها داخل قسم أطـ,ـفال، وسط أطـ,ـفال مرضى ومرافقين وعمال، وفي لحظة تتحول من شخص بيقدم الرعاية لشخص بيتعرض للإهانة والاعتداء قدام الناس. كل اللي حصل بدأ من موقف بسيط داخل مكان العمل. ممرضة كانت في وسط حالة، وطلب منها أحد النواب تعمل حاجة تانية، فردت إنها محتاجة ثواني بس تخلص مع الطفل. لكن الجملة البسيطة دي تحولت لخلاف، ثم تهديد، ثم تصعيد أكبر بكتير.
والسؤال هنا، ليه الموقف وصل لكده من الأساس؟؟
مستنى رايكم فى التعليقات؟؟؟
ليست هناك تعليقات:
إرسال تعليق