كتب لكم بقلم ✍️
احمد حمدى مستشار علاقات دبلوماسية المجلس الإفريقي الدولى ورئيس اللجنة العليا لتنظيم الاعلام
مش من حاجة معينة ممكن تكون مع ضغط الحياة و كدب و نفاق البشر و عدم الاهتمام بيك بيجي عليك الوقت اللي بتكون عايز تقول كل اللي جواك و لو حد سألك هتبوح بكل اللي جواك بس للأسف مش بتلاقي التقدير ولا الاهتمام ده كام مرة كنت هتحكي وجعك بس رجعت في كلامك وقولت الحمدلله مانت عارف الرد هيكون ايه معلش كلنا كده او هيقولك معلش مش فاضي اسمع مشغول ...كام مرة ضحكت فى وش اللى قدامك و انت شايل هم كبير علشان بس محدش يقول عليك انك نكدي ...كام مرة حد سأل عليك وحس بغيابك و قالك انت فين وقولت اهو موجود و تقول لنفسك ماهو لو حاسس بيا كان عرف مالي ...كام مرة اعتذرت عن حاجة انت مش السبب فيها علشان بس خايف على زعل اللي قدامك كل دي ردود انت بس اللي بتقولها علشان مش لاقي الإنسان اللي يسمع و يحس بيك الشخص اللي تقدر تكون قدامه كتاب مفتوح و يكون عندك الجرأة انك تظهر قدامه بطبيعتك و ميفهمش انه ضعف منك وانه عمره ما هيحس بيك ولا هيفهمك و جايز كمان يطلعك انك انسان وحش ويجيب كل عيوبه فيك ...خلي ردودك ليك و اوعى تلجأ لحد علشان في الاخر هتسمع رد مش هيعجبك لان محدش بيحس بتعب حد........
ليست هناك تعليقات:
إرسال تعليق