كتب لكم المقااال 👇
بقلم ✍️احمد حمدى مستشار علاقات دبلوماسية المجلس العربى الافريقى الدولى للعلاقات الدبلوماسية ورئيس اللجنة العليا للصحافة والاعلام
الست ممكن تستحمل قلة الفلوس…
وتستحمل ظروف الحياة…
لكن صعب جدًا تستحمل راجل مش فاهمها.
الراجل الحقيقي بالنسبالها مش اللي صوته عالي…
ولا اللي يفرض شخصيته بالعافية…
ولا اللي كل شوية يقول: “أنا راجل”.
الراجل الحقيقي هو اللي وجوده يخليها تحس بالأمان…
يفهم سكوتها قبل كلامها…
ويعرف إمتى يحتوي، وإمتى يسند، وإمتى يسيب لها مساحة.
الغريب بقى إن بعض الرجالة فاكرين إن القسوة هيبة…
وإن التجاهل رجولة…
وإن كسر الست يخليها تتمسك بيه أكتر.
وده أكبر وهم.
الست ممكن تعجب بالشخصية القوية…
بس عمرها ما تحب شخصية قاسية.
وتحب الراجل الواثق…
مش المتكبر.
وتعشق الهيبة…
مش الترهيب.
الراجل اللي الست تفتخر بيه…
هو اللي يخليها ترفع راسها وهي معاه، مش تنزل عينها من كتر الوجع.
الحب مش إن الست تخاف منك…
الحب إنها تحس إنك المكان اللي تقدر تترمي فيه وهي مطمنة.
والسؤال بقى…
إنت فاكر إن الرجولة إن الست تسمع كلامك…
ولا إن وجودك يخليها تحب تسمعه من نفسها؟
ليست هناك تعليقات:
إرسال تعليق