جريمه مرعبه بكل تفاصيلها

جريمه مرعبه بكل تفاصيلها القاتل استدرج المجني عليه ( صديقه ) في طريق العين السخنه بحجه انهم يقعدوا في ديستريكت و طلب منه يقف بالعربيه و باغته ب ٣ طلقات بطلقه في بطنه و طلقه في صدره و طلقه في دماغه بمسدس عيار ٩ ملي مستخدم فيه كاتم صوت😮

متابعة ورصد اخر اخبار قاتل التجمع الخامس 👇

بقلم ✍️ احمد حمدى مستشار علاقات دبلوماسية المجلس العربى الإفريقي الدولى ورئيس اللحنة العليا لتنظيم الاعلام 

 و نقل الجثمان ورا حاجز خرساني ( نيو جيرسي) و استولي علي عربيته و  مفاتيح فيلته لم يكتفي بهذا القدر من البشاعه  وصل عند بيته في منطقه التجمع الخامس ( حي النرجس ) كلم مراته  تنزله اوهمها ان جوزها عمل حادثه و محجوز في مستشفي بالعاصمه الاداريه  مراته نزلت بالبنات و بعتت لايف لوكيشن لصاحبتها ( انا مش مرتاحه ) ؟؟ 

عشان يشوفوا ابوهم طلب منها يسوق عربيتها بحجه انها متوتره و مش هتقدر تسوق و  اخدهم في نفس المكان في طريق العين السخنه و خلص عليهم بنفس الطريقه السؤال رجعت بيهم ازاي و هما جث*ث في العربيه مخوفتش  العربيه تعطل بيك كمين يقابلك حد من المواطنين يشتبه فيك ؟؟ لا دا وصل بيهم التجمع بكل سهوله و ركن العربيه تحت بيتهم  و غطاها عشان يداري  علي جر*يمته؟؟

تفاصيل غريبه احداث مش مترابطه اقوال متضاربه المجني عليه كان عنده مطبعه في منطقه النزهه و داخل معاه فيها شريك و مستقر في حياته عنده فيلته بناته في مدارس انترناشيونال تربطه علاقه صداقه بالمتهم  من سنين علي الرغم ان قبل اكتشاف الواقعه اخوه اللي كان مبلغ  الشرطه باختفائه هو و اسرته نفي وجود علاقه  صداقه قديمه بينهم قال انهم يعرفوا بعض بقالهم ٦شهور ؟؟

الجاني قال انا كنت مداين المجني عليه ب ٦ مليون و طلبت منه فلوسي بدأ يماطل معايا و رفض يسدد المبلغ عملت قاعدات عرفيه مع ناس تعرفه و تعرفني من قرايبه و اصحابه و كان بيتفق معايا  في مواعيد محدده و بعدها يتهرب مني و مراته السبب كان بتحرضه عليا انه يتجاهلني ؟؟ كان عايش حياته كنت متابعه علي الفيس بوك خروجات و سفر مع مراته و بناته و انا عندي التزامات و بيت و اسره و اولاد و عايش  في كرب بسببه؟؟

رجع  غير اقواله تاني  في النيابه قال  ان المجني عليه كان عنده سبايك دهب و فلوس شايلها في خزنه في بيته و انه كان بيمر بأزمه ماليه  صعبه طمع فيه حاول يسرقه لكن أتفاجأ بوجود الغفير معرفش يدخل الفيلا اجل السرقه لوقت تاني يكون الغفير فيها مش موجود ؟؟

 

السؤال انت مشكلتك مع الاب من البدايه تقتل الام و بناتها 

ليه ايه ذنبهم في سر  يخصه  و يخصهم كانوا عارفينه دفنه معاهم ؟؟

الجريمه دي ليها ابعاد تانيه القاتل (وليد جاد )كان رتبه كبيره اتحال علي المعاش برتبه ( عميد )  كان في منصب حساس في الدوله  و ابوه كان لواء  سابق معروف بحسن السيره و السمعه الطيبه  من عيله كبيره في الشرقيه اغنياء جدا  عندهم فلوس و اراضي و ممتلكات و عقارات دا مش مبرر لادانته  بس مش قادر اقتنع ان الدافع الوحيد  ( السرقه )؟؟ 

كان سهل عليه يسرق العربيه المرسيدس  موبايلات الضحايا ( ايفون ١٧ برو ماكس - دهب الام و بناتها )؟؟

الواقعه دي فيها طرف تاني  القاتل بيحاول يضلل العداله عنه  و مصمم يشيل الليله لوحده لو بصينا لبنيان جسمه بدين نفترض قتل صاحبه في العربيه هل يقدر ينقل جثته لوحده بين جبلين ورا الحاجز الخرساني في حد ساعده ؟؟ الفيصل  فيها تقرير الطب الشرعي هيبين تفاصيل كتيره مش واضحه هل  الست و بناتها ماتوا في العربيه و لا نزلهم منها ؟؟ و قتلهم و رجعهم تاني ؟؟ فروق التوقيت بين كل عمليه و التانيه ٤ ضحايا  الزوج-

مراته -بناته ؟؟