مـ.ـصرع 17 عامل وإصـ.ـابة 20 أخرين في حـ.ـادث تصـ.ـادم سيارتي لنقل العمال بالدواويس بالإسماعيلية والدفع بـ 45 سيارة إسعاف ....
كتب لكم الخبر 👇
بقلم ✍️احمد حمدى مستشار علاقات دبلوماسية المجلس العربى الإفريقي الدولى ورئيس اللحنة العليا لتنظيم الاعلام
تخيّل إنك نازل من بيتك الصبح، كل اللي في دماغك إنك تروح شغلك وترجع آخر اليوم لأهلك باللقمة اللي هتأكل بيها ولادك… لكن على طريق الدواويس في الإسماعيلية، كل حاجة اتغيرت في لحظة. عربيتين اتصدموا في بعض، والحادثة كانت صعبة جدًا، والحصيلة وصلت لـ 17 عامل اتوفوا و32 شخص اتصابوا، ناس خرجت من بيوتها وهي بتخطط ليوم عادي جدًا.. شغل، رزق، ولقمة عيش، عمال باليومية ومن بينهم أطفال، وكلهم من منطقة البحر بقر، لكن بدل ما يرجعوا بيوتهم آخر اليوم، أهاليهم استقبلوا خبر عمرهم ما كانوا يتمنوا يسمعوه. أمهات مستنية ولادها، وآباء مستنيين أولادهم، وزوجات مستنية أزواجها، وأطفال مستنيين آباءهم يرجعوا، لكن الحادث خطف منهم ناس غالية في لحظة. وعلى طول تم الدفع بـ 30 عربية إسعاف لمكان الحادث، عشان ينقلوا المصابين للمستشفيات ويتعاملوا مع الحادث اللي خلّى الطريق يتحول في لحظات لمشهد مأساوي. 17 أسرة النهارده فقدت ابن أو أخ أو أب، و32 أسرة تانية عايشة على أمل إن مصابيها يقوموا بالسلامة ويرجعوا لأهلهم، وناس تانية بتحمد ربنا إن مصابها لسه عايش. ووزيرا التضامن والعمل يوجهان بصرف مساعدات لأسر ضحايا حادث تصادم طريق الدواويس بالإسماعيلية، لكن مهما كانت المساعدة، مفيش حاجة في الدنيا تقدر تعوض أم عن ابنها أو طفل عن أبوه. ربنا يرحم الـ17 اللي فقدوا حياتهم، ويصبر أهاليهم، ويشفي الـ32 مصاب، ويردهم لأهلهم سالمين، ويرزق كل عامل بيخرج الصبح يدور على لقمة عيشه ويرجعه لبيته بالسلامة ....
وإنا لله وإنا إليه راجعون ...
ليست هناك تعليقات:
إرسال تعليق