سداح مداح
حرس سلاح
واقفين جنود
على الحدود
زينة الشباب
صانوا التراب
وقالوا أغلى
من الدهب
تراب بلدنا
غالي علينا
نفديه بحياتنا
وأغلى مالينا
دي بلدنا حره
وألف مرة
هقول يامصر
خيرك علينا
يا أرض ابويا وأرض ولدي
سندي وضهري
شرفي وعرضي
افديكي بعمري
وحتى عمري قليل عليكي
ماأنا أصلي ابنك
أيوة ابنك
شربت نيلك
وكبرت فيكي
أرض الحضارة والفراعنة
واللي يمسك تصيبه لعنة
ما المولى حفظك
حرسك حميكي
واتجلى فيكي
وقال عليكي
البلد الأمين
مين يعاديكي قوليلي مين
ناسك قلوبهم طيبين
وعلى أعدائك قسوة سنين
ياللي الجدود بنوا الهرم
والأحفاد أهل الكرم
ياأرض خصبة
أهل وعزوة
نيلك كريم
يروي مايسأل
إن كان غريب ولا قريب
بيرك طبيب
وقلب ناسك
دايما قريب ...
بقلمي
عاشقة تراب مصر
أميرة عزت
ليست هناك تعليقات:
إرسال تعليق