*.بقلم: إيناس عماد*
قفلنا امبارح آخر بروفة لمسرحية *"ميدو جاب آخره"*، والستارة لسه منزلتش بس الإحساس كان ستارة نازلة على تعب شهور، وطالعة على فرحة تستاهل.
اللي حصل في الكواليس أهم من أي مشهد اتعمل على المسرح شفت *"فرقة ربيلي"* كأنهم بيت واحد مفيش حد واقف يتفرج كله بيسند كله.
-"عبد السلام الدهشان" بهدوءه اللي بيظبط إيقاع البروفة، "ميدو مزيكا" بطاقته اللي بتعدي من القلب للقلب، "هبه غندر" و "كارمن سالم" و"بلال الشاعر" و"نسمة عادل" و"عمرو عبد اللطيف" و"نيفين الكردى"و"مروة الخولى" و"سندس سامي" و"رجب حامد"و"بسمة حفني"و"أحمد إبراهيم" و"شيماء"
... كل واحد فيكم كان روح زيادة في المكان. ضحكنا على الغلط، صقفنا لبعض على الصح، وطلعنا من البروفة واحنا مش زمايل، احنا عيلة.
*وما وراء الكواليس
قعدة بين المؤلفة *"نسرين التونسي"* اللي كل سطر منها فيه دم خفيف ورسالة، ومساعد المخرج *"سلمى سيد" اللي عينها في كل تفصيلة، والمخرج المنفذ "محمد عبد الفتاح"* اللي شايل المسرح على كتفه، والمخرج المبدع *"محمد التونسي"*... الوجه الخفي اللي بيصنع الجديد في عالم الدراما والضحك والمرح كل مرة.
ولا ننسى الناس اللي نورها مش بيتشاف بس بيتسمع ويتحس:
إشعار: "بلال الشاعر" | *إضاءة: "محمود فراج"* | *موسيقى: "محمد حسني"*
دول اللي خلوا "ميدو جاب آخره" يطلع شكله كده.
*انتظروا أقوى عرض*
*يوم الإثنين 6/7 على مسرح ساقية الصاوي - قاعة الحكمة*
*الساعة 7:30 م*
أوعى يفوتك عرض *"ميدو جاب آخره"*... عشان اللي شفناه في البروفة، لازم تشوفوه على المسرح 🎭
ليست هناك تعليقات:
إرسال تعليق