كان باين يوم ما جه
جوة عينه المطفي لونها
قلبة متغير وشكله
عنده حاجة عشان يقولها
بص في عينيها ولاقاها
دمعها نازل أوام
سلمت بإديها لكن
روحها مش قابلة السلام
خايفة حاسة بالنهاية
وانه زي الباقي برضه
نفسها تجري وتقوله
انها مش قد بُعده
بس صعب عليها جداً
بالوجع تستعطفه
ما هو هان الحب عَندُه
واللي فات ده بينسفه
بسرعة قال مش عايزة حاجة .. ؟
انا جي أودع كل شئ
انتهت القصة يعني
وكل واحد من طريق
فجأة شافت شمسها
قدامها نورها بينطفي
سكتت وعينها اتكلمت
ودموعها ضايعة بتختفي
انا عارفة انك بكرة راجع
بس صدقني استحالة
وعشان اكون ضامنة اني هقسى
انا هرمي قلبي في الزبالة. بقلم عاشقة الوطن سحر غانم
ليست هناك تعليقات:
إرسال تعليق