كتب لكم القصيدة بقلم ✍️احمد حمدى مستشار علاقات دبلوماسية المجلس العربى الافريقى الدولى
*يالي ما بتعرفش امي
هاحكي اقولك امي مين
امي وقت الحر ضلي
امي شجرة من الياسمين
امي نور ف الليل بيضوي
لو حكيت هقول سنين
*عن كلامها اللي يطمن
لما قلبي يكون حزين
عن عينيها اللي بتخطف
دمع عينيي للحنين
ولا حضن يشيل همومي
انسي بيه كل الانين
*امي ايوا لما تظهر
الدفا يبان ف عينيها
لما يجري عليها قلبي
روحي تتغطي اه بيها
وامااخاف من الدنيا ديا
اه حمايا يكون دا فيها
*امي ليا قلب باقي
قلب ما بيعرفش يهجر
قلب مليان بالسواقي
تروي قلبي كل مااكبر
حبه حبه اشوف والاقي
قلبي بيها ايوا اشطر
*امي ديا ف السماحه
طيبه ملهاش ف الحدود
وبامانه وبصراحه
صاينه هي للوعود
من صفاتها روحت اسال
قالوا طالعه للجدود
*لو حكيت عنها الحكاوي
مش هكفي اليوم بطوله
اصل من عيب المعاني
مش هتوصف اللي هقوله
*امي اصلا حد تاني
امي ليا دي حياة
لما اخاف من الكون الاقي
حضنها طوق النجاه
والسواقي لقلبي تروي
يجري يطرح النهار
والامان ف عنيها يشفي
يجي ويشيل المرار
*امي ليا دي البدايه
والحكايه في السطور
والحنان مالوش نهايه
هي شمس بتضوي نور
*ايوا ساكنه جوا قلبي
هي ونسي في الحياه
واللي حافظ ليا عمري
دعوة منها ف الصلاه
ليست هناك تعليقات:
إرسال تعليق