كتبة لكم /احمدحمدى
بقلمى ✍️
مش معناه ابدا انك تعيش في عزلة او تقسي قلبك على الدنيا والناس بالعكس..هو القدرة على حماية سلامك النفسي الداخلي و انك ماتسمحش لأي علاقة او فكرة او ضغط خارجي انه يمتلكك او يهد توازنك. لما تتعلم تستغني عن اللي بيستنزفك ده بيفضي مساحة في حياتك للحاجات الحقيقية اللي حواليك.
وعلشان تبني الفن ده جواك وتخليه جزء من شخصيتك دي أهم الخطوات النفسية والعملية اللي هتوصلك لراحة البال وطمأنينة القلب:
١. انك تتعافي من وهم (الامتلاك والأبدية)
و دي تعتبر أول خطوة نفسية وهي تصحيح المفاهيم في عقلك لانك لازم تعرف ان مافيش شيء في الدنيا دي مضمون او دايم للأبد لا الأشخاص ولا العلاقات ولا حتى ظروفك الحالية.
فأنت لما بتدرب عقلك على ان كل شيء في حياتك هو (أمانة) او (رحلة مؤقتة) ده هيخليك تحب الحاجات والناس من غير ماتتعلق بيهم بشكل مرضي.
والنتيجة ان لما يجي وقت الفراق او التغيير هتكون مؤهل نفسيا للقبول بدون انهيار.
٢. اعمل (الفلترة الدورية) لعلاقاتك
وخليك عارف ان الاستغناء بيبدأ لما تسأل نفسك بوضوح وصراحة: مين في حياتك بيبني معاك ومين بيهد فيك؟
والخطوة دي بتكشفلك العلاقات اللي مفيهاش أمان نفسي او اللي قايمة على طرف واحد بيدي علطول والطرف التاني بياخد وبس و والعلاقات اللي من النوع ده هي اولي العلاقات بالاستغناء.
فابدأ بوضع حدود واضحة ومش لازم تقطع فجأة لكن (الانسحاب الهادئ) وتقليل التوقعات من الأشخاص غير المناسبين هو عين العقل والحكمة.
٣. فك الارتباط بالصورة المثالية (إرضاء الجميع)
و دي من أكتر الحاجات اللي بتستنزفك نفسيا هي رغبتك في ان كل الناس تحبك او ترضى عنك..فن الاستغناء هنا معناه انك تستغنى عن رغبتك في إعجاب الآخرين بيك.
والقاعدة بتقول ان رضا الناس غاية لا تدرك ورضاك عن نفسك المتسق مع قيمك ومبادئك هو الأهم.
فلازم تتعلم انك ترفض الحاجات اللي بتيجي على حساب صحتك النفسية ووقتك بدون إحساس بالذنب.
٤. تدريب العقل على (الصيام الرقمي والذهني)
بص انت عايش في عصر مليان بالمقارنات والضغط الإعلاني والاجتماعي اللي بيحسسك دايما بالنقص (مقارنة حياتك بحياة الآخرين على السوشيال ميديا).
فحاول انك تستغني عن متابعة الحسابات او الأشخاص اللي بيصدروا ليك طاقة سلبية او بيخلوك تحس ان اللي في ايدك مش كفاية.
فعايزك تركز على نعمك المتاحة وعيش اللحظة الحالية بكل تفاصيلها.
٥. انك ترفع الاستحقاق الذاتي والامتلاء الداخلي
بص الأنسان بيمسك في علاقات مؤذية او أشياء مستنزفة لما يكون حاسس بالفراغ من جواه وبيستمد قيمته من برة.
فأنت اشتغل على حبك لذاتك وتقديرك ليها لانك لما تكون ممتلئ نفسيا وعندك شغفك الخاص وأهدافك هتعرف ان وجود اي شخص او شيء هو (إضافة) لحياتك مش (أساس) وجودك.
والقاعدة النفسية بتقول ان من وجد نفسه..استغنى عن كل مايؤذيها.
وخليك عارف ان الاستغناء مش ضعف ولا قلة حيلة لكن الاستغناء هو قمة القوة والوعي..هو قرار واعي بأنك تختار نفسك وصحتك النفسية فوق أي كفة تانية ممكن تقلق راحتك وأمانك.
ليست هناك تعليقات:
إرسال تعليق