كتب الدكتور محمد جندل الطحاوي
إلى من يهمه الأمر
إحنا بلد زراعي من الدرجة الأولى، لكن المزارع النهارده بقى شايل حمل تقيل جدًا، وعلى رأسه سعر السولار اللي وصل لـ 500 جنيه للصفيحة!
يعني ببساطة… ري فدان واحد بقى يكلف رقم كبير، فما بالك بـ 20 أو 30 فدان؟! بنتكلم في عشرات الآلاف كل شهر… أرقام صعبة على أي مزارع.
غير كده، تفتيت الأراضي خلّى كل واحد يشتغل لوحده: كل فدانين عليهم ماكينة… وسولار… وزيت… وتكلفة بتزيد يوم عن يوم.
وفي نفس الوقت… مياه بتتهدر في المساقي والخلجان لمسافات طويلة!
طيب ليه منحلش المشكلة من جذورها؟
💡 الفكرة ببساطة: نعمل محطات ري كبيرة تخدم كل 30 فدان بدل 30 ماكينة صغيرة
وتشتغل بالطاقة الشمسية بدل السولار
وشبكة ري حديثة تحت الأرض تقلل الفاقد من المياه
والتكلفة؟ تتجمع وتتقسم على المزارعين وتتقسط عليهم كذا سنة
النتيجة: ✔️ توفير ضخم في السولار
✔️ تقليل إهدار المياه
✔️ تكلفة أقل للمزارع
✔️ إنتاج أعلى واستقرار في الزراعة
الخلاصة… بدل ما نحرق فلوس في سولار كل يوم
نعمل نظام يعيش معانا 20 سنة قدام
ليست هناك تعليقات:
إرسال تعليق