تحرير: ابانوب عادل كمال
اللي حصل في شركة أمون ماكانش مجرد موقف عابر، لكنه كان رسالة واضحة إن العامل هو أساس أي نجاح، وإن أي شركة كبيرة بتقوم على تعب ومجهود ناسها قبل أي شيء.
من حق العمال يحصلوا على تقدير عادل، وزيادة محترمة، وأرباح تليق بتعبهم وسنين شغلهم. خصوصًا بعد ما شفنا إن شركات كتير اتحركت وبدأت تدي زيادات وأرباح خوفًا من تكرار نفس اللي حصل في أمون.
علشان كده مينفعش نرجع لورا، ولا نسمح إننا نتفرق بعد ما صوتنا وصل. قوتنا الحقيقية في وحدتنا، وفي إننا نفضل واقفين جنب بعض باحترام وتنظيم، من غير خلافات تضعف موقفنا أو تضيع حقنا.
مطالبنا مش ضد الشركة، بالعكس، إحنا عايزين شركة أقوى وبيئة عمل أعدل، لأن العامل لما يحس بتقديره بيشتغل بإخلاص أكتر، وده في النهاية مكسب للجميع.
خلينا مكملين زي ما إحنا.. رجالة، ثابتين، محترمين، وإيد واحدة، لحد ما كل حق يوصل لأصحابه.
ليست هناك تعليقات:
إرسال تعليق