أمس الرئيس السيسي قال أنا وجهت بإمكانية إحالة التلاعب بالأسعار للقضاء العسكري
طب الحكاية علشان التوجيه ده
الحكاية بقى إنه فيه سلع قفزت وسعرها رفع بشكل جنوني وبدون مبرر وكل تاجر يقولك أصل الحرب شغالة
طب انت مالك ومال الحرب؟
بالقانون تعالى نفهمك بالراحة كده
من سنتين تم اعداد قانون وتمت الموافقة عليه من مجلس النواب وتم اصداره رسميا وهو القانون رقم 3 لسنة 2024 (امتداداً للقانون 136 لسنة 2014
طيب إيه القانون ده بقى
القانون ده اسمه قانون تأمين وحماية المنشآت والمرافق العامة والحيوية في الدولة
وخلي بالك للجايه دي
القانون فيه مادة تعطي اختصاص للقوات المسلحة بحق التدخل لحماية الاسواق عند اللزوم
ومن مواد القانون
إن يتعاون مأمورو الضبط القضائي بالقوات المسلحة في جميع الإجراءات المقررة قانونا لمأموري الضبط القضائي بالشرطة لمواجهة الأعمال أو التعديات التي من شأنها الإخلال بسير عمل المرافق العامة والحيوية بالدولة أو الخدمات التي تؤديها وبالأخص الجرائم التي تضر باحتياجات المجتمع الأساسية من السلع والمنتجات بما يحفظ المقومات الأساسية للدولة ومكتسبات الشعب وحقوقه أو مقتضيات الأمن القومي
وتخضع الجرائم التي تقع على المنشآت والمرافق العامة والحيوية والخدمات لاختصاص القضاء العسكري
وهذا ما تحدث عنه الرئيس بعبارات هترفع السعر هتحتكر سلع هتتحاكم عسكريا
ومش بس كدة
ده القانون كمان بيقولك
يكون لضباط القوات المسلحة وضباط الصف الذين يصدر بتحديدهم قرار من وزير الدفاع
كل في الدائرة التي كلف بها جميع سلطات الضبط القضائي
يعني ممكن في أي وقت لو فيه احتكار وزيادة في الأسعار بشكل منفلت هتلاقي بعض ضباط الجيش اللي هيكون عندهم الضبطية القضائية فوق دماغك
وهنا العقوبة مرحبا هتكون إيه بقى فأقل عقوبة حبس سنة وغرامة توصل لـ 3 مليون والمصادرة للسلع وبيعها في السوق بالسعر العادي ومن حق المحكمة العسكرية غلق المصنع أو الشركة أو فروع المنتج نفسه وفروع التاجر الجشع تبعيا للحكم
لأن العين الحمرة وقت الأزمة مع الناس الجشعة المستغلة للظروف مطلوبة
والتوجيه ده كان لازم يصدر من الرئيس السيسي شخصيا
علشان أغنياء الحرب وعشاق الأزمات ومستغليها مش هينفع معاهم غير الصرامة العسكرية.. ومش هينفع تكون البلاد اللي فيها حرب بدون زيادة في الأسعار والتجار عندنا بيتعاملوا كأن مصر هي اللي بتحارب نيابة عن العالم
وخلي كل تاجر يحترم نفسه
ويبيع بما يرضي الله
عاشت مصر حرة قوية آبية وتسلم الايادي
تحيا مصر 🇪🇬 🇪🇬بقلم محرر صحفى (أستاذه رشا على احمد)
ليست هناك تعليقات:
إرسال تعليق