في ناس أول ما تسمع كلام عن الأخت الخبيثة تقولك:
«مستحيل… دي أختها!
يعني الدم يعمل كده؟»
بس الحقيقة اللي محدش حابب يعترف بيها إن
القرابة ما بتمنعش الغِل،
والدم ما بيلغيش الحسد.
في أخت شايفة أختها منافِسة مش سند،
شايفة نجاحها تهديد،
وفرحتها نقص منها هي.
مش لازم تأذيك بإيدها،
هي بس:
• تزرع فكرة
• تكبّر مشكلة
• تلمّح وتلاقح بكلام عبيط
• وتسيب النار تولّع لوحدها
تقول كلمة في ودن القريب منك
وكلمة في ودن أمك
وكلمة تالتة قدام الناس
وتقف تتفرج وهي عاملة فيها بريئة.
الأخت الخبيثة عمرها ما تقولك في وشك إنها بتغير،
هي تقولك:
«أنا خايفة عليك»
«أنا بنصحك»
«أنا أكتر واحدة بتحبك»
بس الغريب إن نصايحها دايمًا نتيجتها:
• خلاف
• شك
• توتر
• وبعد تدريجي عن كل حاجة حلوة في حياتك
في أخت تستحمل غُربتك
ولا تستحمل سعادتك.
تستحمل دموعك
ولا تستحمل ضحكتك.
وفي ناس لسه فاكرة إن كل وجع سببه الغريب،
مع إن أكتر البيوت اتخربت
بكلام خرج من العيلة نفسها.
وعشان نبقى واضحين:
إنك تحطي حدود مش قسوة
وإنك تكتمي أسرارك مش أنانية
وإنك تبعدي بهدوء مش قلة أصل
اللي يستكتر عليكِ الخير
حتى لو اسمها أختك
ما ينفعش تكون قريبة من تفاصيل حياتك.
مش كل أخت ينفع تكون ضهرك
ولا كل دم ينفع يكون أمان
وفي ناس قربها أذى
وبعدها سلام
✍️عبير امام
ليست هناك تعليقات:
إرسال تعليق