وجع جديد على طريق بورسعيد وقلوب بتنزف على صيادين اليومية النهارده علي طريق بورسعيد شهد حادث مأساوي ، عربية نقل ثقيل دهست عربية ربع نقل كانت محملة بصيادين اليومية الغلابة، طالعين على رزقهم في نهار رمضان صايمين ويرجعوا في توابيت بدل ما يرجعوا بلقمة العيش. علي بيوتهم
العدد المبدئي للوفيات تجاوز 10 أشخاص، ومصابين اتنين تم نقلهم لمستشفى 30 يونيو، وتم توزيع جثامين المتوفين على مستشفيات الزهور والنصر و30 يونيو لحين انتهاء الإجراءات القانونية.للأسف بعض المتوفين لم يكن معهم إثبات شخصية، وده مأخر إعلان الأسماء بشكل كامل، لكن بإذن الله أول ما تظهر البيانات الرسمية ويتم التأكد منها هننزل الأسماء كاملة ونوافيكم بكل التفاصيل.
الصعب إنهم كانوا صايمين، شقيانين، وراهم بيوت وأطفال مستنيين رزق اليوم… الواقع قاسي جدًا، وكلمات العزاء مهما اتقالت مش هتكفي وجع أهلهم. خالص العزاء لأسرهم
ربنا يرحمهم رحمة واسعة، ويجعل صيامهم وتعبهم في ميزان حسناتهم، ويصبر أهلهم ويربط على قلوبهم، وإنا لله وإنا إليه راجعون.
ليست هناك تعليقات:
إرسال تعليق