«سيبي العيال لأبوهم، هو يصرف عليهم ويربيهم».
في ظاهرها جملة جميلة، وبتتكلم عن أب عايز يتحمل مسؤولية أولاده، وده حقه وواجب عليه.
لكن المشكلة إن الجملة دي أحيانًا بتتقال في سياق مختلف تمامًا؛ سياق ضغط على الأم علشان تتنازل عن حقوقها، سواء في مسكن الحضانة أو النفقة، وكأن وجود الأب في حياة أولاده لازم يكون على حساب حقوق الأم.
خلينا نفرّق بين حاجتين:
إن الأب يشارك في تربية أولاده ويصرف عليهم، وده واجب ومسؤولية، وبين استخدام مسؤولية الأبوة كوسيلة للضغط على الأم في الخلافات.
الأم مش عدوة الأب، والأب مش مجرد مصدر للإنفاق.
والأطفال مش طرف في معركة مين يكسب ومين يخسر بعد الانفصال.
الأبوة حق ومسؤولية، والأمومة مش تنازل عن الحقوق، ومصلحة الأطفال لازم تفضل فوق خلافات الكبار.
بقلم عاشقة الوطن سحر غانم
ليست هناك تعليقات:
إرسال تعليق