بقلم ✍️احمدحمدى رئيس اللجنة العليا المجلس الاعلى لتنظيم الاعلام
ومستشار علاقات دبلوماسية المجلس الافريقى الدولى
ماحدش يستاهل إنك تحرق نفسك علشانه، ولا إنك تستهلك روحك عشان ترضيه، ولا إنك تفضل طول الوقت بتحاول تثبت إنك شخص كويس لناس مش شايفة غير عيوبك.
خليك فاهم إنك مش مطالب تفضل متاح لكل الناس، ولا تبرر كل تصرفاتك، ولا تصلّح خاطر الكل على حساب خاطرك.
اللي بيحبك بجد، مش هيكون سبب في إنك تخسر نفسك، واللي مقدّرك مش هيخليك طول الوقت حاسس إنك قليل، واللي عايزك في حياته هيفهم إن ليك طاقة وليك ظروف وليك قلب بيتعب زي أي حد.
عيش، اضحك، اهتم بنفسك، وادّي كل واحد على قد مكانته، مش على قد قلبك الطيب.
مش أنانية إنك تختار راحتك، ومش قسوة إنك تحط حدود، ومش غلط إنك تبعد عن كل حاجة بتوجعك.
أصل في الآخر، الناس هتكمل حياتها، وإنت اللي هتفضل شايل تعبك لوحدك..
فبالله عليك، ما تخسرش نفسك وإنت بتحاول تكسب حد، وما تطفّيش نورك علشان تنوّر حياة ناس مش حاسين بيك.
ليست هناك تعليقات:
إرسال تعليق