الرزق

مش بس فلوس ونفوذ ووجاهة . 

الرزق لحظة فرج من هَم وضيق من غير ما تعرف جت منين .

الرزق صديق وحبيب وصاحب جنبك على الحلوة والمرة لا عمره يبعد ولا يسيبك .

الرزق بركة في ولادنا اللي شقينا عليهم وحلمنا نوصل بيهم لبر الأمان .

الرزق عِزوة قلوب جميلة وطيبة تهون عليك شر عين وغل نفوس حواليك .

الرزق صحة مش بنحس بيها غير مع أول لحظة ألَّم نمر بيها .

الرزق بصيرة لموقف أو شخص تبعد عنهم من غير ما تعرف ليه وتكتشف بمرور الوقت إنك صح .

الرزق إنسانية تخليك تسامح وتعفو وتحاول تنسي رغم ألمك وتدي رغم إحتياجك .

الرزق جبر خاطر من الكريم وإنت حزين من نفوس البشر وأفعالهم .

الرزق إحساس بالأمان رغم قلقك من مجهول وإحساس بالستر رغم إنتظارك المدد .

عارفين يا طيبيين الرزق إيه كمان ؟!! 

الرزق ٠٠٠٠ ده حاجات حلوه كتيره اوي ونِعم لا تُعد ولا تحصى ٠٠٠٠

نحمد ونشكر الله تعالي ٠٠٠٠ كما ينبغي لجلال وجهه وعظيم سلطانه .

الحمد لله❤️🤲🏻

بقلم ..

عاشقة الوطن سحر غانم