بقلم / امل صالح سليم
في زمن السوشيال ميديا بقى فيه ناس بتبيع الوهم على انه حقيقة وبتظهر بصورة الاغنياء واصحاب الملايين والسيارات الفارهة والسفر والرفاهية لكن الحقيقة ممكن تكون مختلفة تماما عن الصورة اللي بيشوفها الناس
والغريب ان الظاهرة دي بقت واضحة في غرف الشات الصوتية اللي بيستخدم فيها البعض الكلام عن الفلوس والنجاح والعلاقات والنفوذ علشان يجذبوا الانتباه ويبنوا صورة وهمية عن نفسهم
فيه اللي بيعمل كده علشان يبقى محط اعجاب واهتمام وفيه اللي بيستخدم وهم الثراء علشان يصطاد فريسته سواء كانت بتدور على الارتباط بشخص ميسور او بتحلم بفرصة تغير حياتها فيبدأ بالوعود والكلام المعسول لحد ما يكسب ثقتها وبعدها تظهر المصالح الحقيقية
والاخطر ان اللي بيستعرض ثروته ممكن يكون هو نفسه فريسة لشخص تاني بيعرف يلعب على احلامه ويستغل ثقته
مش كل واحد بيتكلم عن الملايين غني ومش كل صورة فاخرة دليل على النجاح ومش كل صوت واثق وراه انسان صادق
خلي بالك قبل ما تثق او تدفع فلوس او تكشف اسرارك لان اللي بيبيع الوهم ممكن يكسب ثقتك لكن انت اللي هتدفع الثمن
فالثراء الحقيقي مش محتاج استعراض مستمر والناس بتتعرف بحقيقتها مش بالمظاهر اللي بتصنعها خلف الشاشات
ليست هناك تعليقات:
إرسال تعليق