كتب لكم المقااال 👇
بقلم ✍️احمد حمدى مستشار علاقات دبلوماسية المجلس الافريقى الدولى ومدير علاقات عامة واعلام
دي حقيقة بتأكدها الأيام،
وعشرة سنين كفيلة تكشف كل مستور قدام.
حاجات كتير بالقلب قبل العين تتحس 🕊️
ناس وجودهم في حياتك زي النسيم،
زي البلسم اللي بيداوي الجروح،
وزي الحرير لما يلمس الروح...
فتلاقي الخير ماشي معاهم منين ما تروح🌸
الناس دول مش كتير... 💎
ولما ربنا يرزقك بيهم... هتعرفهم.
من قلوبهم الصافية،
من طاقتهم الدافية،
من لغتهم الشافية،
من راحة ساكنة في ملامحهم الوافية. ✨🙌
الروح الطيبة نعمة... 🕊️
بتحلي ملامح صاحبها من غير مجهود،
وتخلي قبوله رباني... ملوش حدود،
القلوب بتحبه
من قبل العيون ما تشوفه،
ويسيب أثر... وتأثير... وحب وتقدير
قبل ما تسمع صوته أو حتى تلمح طيفه. ✨🙌
وفيه العكس...
ناس جميلة شكلاً،
بس مرهقة فعلاً.
طاقتها سابقاها...
تسد النفس من صعوبتها ومرارتها
وقبل ما تنطق كلمة
تلاقي روحك قفلت من ناحيتها...
ومش عايز تسمع حتى سيرتها.
وفيه ناس جميلة قوي... ❤️
بس مش عارفة قيمتها 🥀
مش شايفة جمالها،
ولا واخده بالها إن النور اللي جواها
هو سر كمالها.
تستني حد يجملها،
وناسية إن النور اللي فيها... كافيها ومكفيها. ✨
الخلاصة يا صديقي... 👇
جمال الوشوش بيدبل مع الأيام،
لكن جمال الروح
بيكبر،
وينور،
ويبقى بدر تمام. 🌕✨
وجود الشخص الطيب في حياتك
مش حاجة عادية،
ده نعمة،
ورزق،
وأجمل هدية،
وطاقة حلوة طالعة... مش مستخبية.
خلي قلبك ابيض... ونضف اللي جواك 🤍
هتلاقي ملامحك نورت،
وحياتك فتحت،
والقلوب قربت،
والدنيا بقت اهدى معاك.
الحلاوة عمرها ما كانت في الرسمة،
ولا في اللبس،
ولا في الشياكة.
الحلاوة... حلاوة الروح.
في بسمة صافية،
مش في غرور ولا تناكة. 🚫
عشان كده...
دور علي الروح الجميلة
اللي جمالها باين في عينيها،
وأبعد عن الروح اللي تستهلك طاقتك
قبل ما تقرب منها... أو حتى تسلم عليها. 🛡️✨
وافتكر دايمـاً... 🕯️
اللي روحه حلوة،
ربنا بيحبه،
والقلوب بتنجذب له،
وأثره الطيب بيمشي وراه...
وحتي لو غاب...
الناس عمرها ما تنساه... وتتمني تلقاه.
اللهم جمل ارواحنا 🤲
وأجعلها سبباً في نور وجوهنا،
وأجعلنا ممن يتركون أثراً طيباً
في كل زمان... وكل مكان.
ليست هناك تعليقات:
إرسال تعليق