بقلم أستاذ/محمد جلال
محرر صحفي بجريده الانباء العربيه الافريقيه الدوليه
مسؤل الإتصال والإعلام بجريده صوت الناس الحر
مراسل صحفى اخبار مصر اليوم
مش كل حاجة اتغيرت في الدنيا لازم تتغير جواك.
ومش معنى إن ناس كتير بقت بتتعامل بمبدأ «مصلحتي الأول» إنك تنسى اللي اتربيت عليه.
خليك فاكر إن احترام الكبير، والجدعنة، والوفا، وحفظ العِشرة، والوقوف جنب اللي وقف جنبك… مش ضعف ولا سذاجة.
آه، اتعلم تحط حدود، واتعلم تقول «لأ»، وما تسمحش لحد يستغلك…
بس من غير ما تتحول لشخص تاني لمجرد إنك اتوجعت.
خليك على أصلك، مش عشان الناس تستاهل…
عشان إنت تستاهل تفضل الشخص اللي أهلك ربّوك عليه.
والدنيا مهما اتغيرت، يفضل الأصل أصل…
واللي اتربى على الجدعنة، ما يخليش فجور الناس يعلمه الندالة.
ليست هناك تعليقات:
إرسال تعليق