بقلم أستاذ/محمد جلال
محرر صحفي بجريدة الأنباء العربية الأفريقية الدولية
مسؤول الاتصال والإعلام بجريدة صوت الناس الحر
مراسل صحفي أخبار مصر اليوم
أكبر مُعيق للرزق مش دايمًا قلة الفرص، ولا قسوة الظروف، ولا إن الدنيا واقفة ضدك…
أحيانًا أكبر مُعيق للرزق هو تمسُّك الإنسان بما يؤذيه.
تتمسك بشخص بيستنزفك، وبمكان بيكسر فيك، وبشغل مفيش فيه تقدير، وبعلاقة كل يوم بتاخد منك أكتر ما بتديك، وبحاجة انتهى وقتها وأنت لسه مصرّ إنها تكمل.
وساعات ربنا يكون بيحاول يفتح لك باب جديد، لكن إيدك لسه ماسكة في الباب القديم.
مش كل حاجة بنخسرها كانت شرًا لنا، ومش كل حاجة بنتمسك بيها تكون خيرًا لنا.
في حاجات لازم تسيبها علشان تقدر تستقبل غيرها…
وفي أشخاص لازم تبعد عنهم علشان تعرف تسمع صوت نفسك من جديد…
وفي أبواب لازم تقفلها بإرادتك، قبل ما الحياة تقفلها في وشك غصب عنك.
الرزق مش فلوس بس.
الرزق راحة، وستر، وصحة، وناس صادقة، وفرصة مناسبة، وقلب مطمئن، وطريق تحس فيه إنك ماشي في الاتجاه الصح.
فلو حاجة بتؤذيك باستمرار، اسأل نفسك بصدق:
أنا متمسك بيها لأنها خير ليا… ولا لأني خايف أسيبها؟
أحيانًا ترك ما يؤذينا مش خسارة…
ده أول خطوة في طريق رزق جديد.
ليست هناك تعليقات:
إرسال تعليق