بقلم أستاذ/محمد جلال
محرر صحفي بجريدة الأنباء العربية الأفريقية الدولية
مسؤول الاتصال والإعلام بجريدة صوت الناس الحر
مراسل صحفي أخبار مصر اليوم
في وقت من الأوقات هتكتشف إنك مش محتاج تبرر كل حاجة بتعملها، ولا تشرح كل موقف حصل منك، ولا تثبت للناس إن نيتك كانت كويسة.
اللي بيحبك وبيعرفك، هيفهمك حتى لو كلامك قليل… واللي واخد عنك فكرة معينة، ممكن تشرح له لحد بكره وبرضه يفسر كلامك على مزاجه.
مش كل موقف محتاج دفاع، ومش كل اتهام محتاج رد، ومش كل شخص يستاهل إنك تستنزف طاقتك علشانه.
أوقات كتير السكوت مش ضعف، بالعكس… السكوت بيكون احترام لنفسك، ورفض إنك تدخل في دايرة تبرير مالهاش نهاية.
خليك فاكر:
أنت مش مطالب تشرح نفسك لكل الناس، ولا تثبت قيمتك لحد.
اللي يعرفك بجد، مش محتاج منك تبرير… واللي مش عايز يفهمك، التبرير معاه فعلًا مجهود على الفاضي.
ليست هناك تعليقات:
إرسال تعليق