كتب المقااال 👇
بقلم ✍️ احمد حمدى مستشار علاقات دبلوماسية المجلس العربى الافريقى الدولى للعلاقات الدبلوماسية ورئيس اللجنة العليا للصحافة والاعلام
الراجل اللى يزل زوجته ويطلع عقده النفسيه عليها دا مش راجل دا محسوب غلط على الرجال.
الراجل اللى يهين مراته قدام ولاده وقدام الناس بالضرب والشتيمه لأن مالهاش حد تلجأ إليه وهو عارف ان دى نقطه ضعفها
دا مش راجل
الراجل اللى كل مشكله تحصل معاه يرميها على مراته ويقولها انتى السبب
دا مش راجل
الراجل اللى مايملكش اى شئ ومراته تقف معاه ماديا ومعناويا وتساعده بكل ما تملك اول شئ يعمله يروح يتجوز عليها ويترك بيته وأولاده وكأنه بيكافئها
دا مش راجل
الراجل اللى يقل من مراته ويهنها قدام أهله والناس ويترك أهله يهنوها ويتعبوها فى خدمتهم ومافيش تقدير
دا مش راجل
الراجل اللى كل شويه يتريق على مراته. انتى تخنتى لاء انتى خسيتى انتى اوحشيتى انتى اسمريتى ويقارنها بغيرها دا مش راجل.
كفايه بقا امراض نفسيه ويطلع جيل تعبان نفسيا من القرف اللى بيشوفه.البنت بتبقى ورده جميله بترجعها لبيت اهلها بتتعالج نفسيا مافيش ثقه فى نفسها كارها نفسها وكارها حياتها ...كفايه بقا عقد نفسيه
حب زوجتك زى ماهى تخنت خست احلوت اوحشت حبها لنفسها لقلبها الطيب بروحها الحلوه لخوفها عليك وعلى صحتك وزى ماتكون ابنها .اتقى ربنا فيها....لا تهان المرأه الا فى بيت رجل جاهل..أما فى بيوت الصالحين فالمرأة اميرة
والرجل اللى يحافظ على زوجته ويحترمها ده اللى فعلاء نقول عليه راجل..... ياريت نفهم يعنى ايه راجاله واولاد اصول.......
ليست هناك تعليقات:
إرسال تعليق