كتب المقاااال 👇
بقلم ✍️احمد حمدى مستشار علاقات دبلوماسية المجلس العربى الإفريقي الدولى ورئيس اللحنة العليا لتنظيم الاعلام
الظاهرة دي بقت منتشرة جدًا اليومين دول،
والبيت اللي اتبنى على حب وعشرة وسنين، ممكن يتهد في لحظة!
الراجل المتزوج اللي عنده بيت وأولاد،
بيقع في فخ "الخيانة" لمجرد إن واحدة ضحكت عليه بكلمتين..
احفظ الكلام ده كويس عشان ما ترجعش تندم وتعيط بعد فوات الأوان ، لأن وقتها المصيبة هتكون أكبر مما تتخيل.
البداية.. خطوة صغيرة للخراب
السبب الأساسي هو الاستخدام الخاطئ لمواقع التواصل الاجتماعي.
الموضوع مش بيبدأ بكارثة، دا بيبدأ بحاجة بسيطة جدًا؛ بنت عمك، بنت خالك، زميلة الشغل، أو جارة القديمة..
تبدأ برسالة عادية جداً:
مساء الخير.. عامل إيه؟ مش باين ليه؟ طمني عليك!"
ومن هنا بتفتح للشيطان باب، وبتسحب رجلك لخراب بيتك بإيديك.
الفخ.. "فضفضلي أنا فاهمتك!"
بعد كده تبدأ الدخلة الذكية:
مالك؟ حزين ليه؟"
أنا حاسة إنك متضايق.. احكيلي وفضفضلي!"
وتبدأ الشباك تتلف حوليك، وتتعلق بيها أكتر،
وما يعديش يوم إلا ولازم تتكلموا تحت مسمى
"إحنا مجرد أصدقاء".. لحد ما تتقال الكلمة السمّامَة:
"يا خسارة.. لو بس ما كنتش متزوج!"
هنا تبدأ تشوف مراتك بنظرة تانية، وتتحول لراجل خاين بتبص لنعمة ربنا عليك بقلة تقدير،
وتخسر دينك وأخلاقك عشان لحظة ضعف.
الوهم الكذاب.. مقارنة غير عادلة!
إنت شايف الست التانية دي أجمل واحدة في الكون،
لأنك دايماً بتشوفها في كامل زينتها وأحلى صورها على الشاشات..
لكن ما شفتهاش في الحقيقة:
وهي بتعاني وتعبانة وتقول "آه يا ركبي" أو "بطني بتوجعني".
وهي شايلة هم البيت والتنظيف والتعب اليومي.
فطبيعي لما تقارن بين واحدة متزوقة وعلي اجمل ما تراه العين ، وبين زوجة شايلة هموم بيتك وعيالك، تحس بفرق..
لكن ده وهم كذاب!
الحل والنصيحة الذهبية.......
لو لقيت أي واحدة بتبدأ معاك الدخلات دي أو بتحاول تقرب منك:
غير الحوار فوراً.
والأفضل؟ اعمل لها Block بدون تردد!
الخلاصة
حافظ على زوجتك وأولادك..
كم من بيوت اتخربت، وكانت النهاية في محاكم الأسرة..
والخسران الحقيقي والوحيد في اللعبة دي هم أولادك.
بيتك وزوجتك هم الأمان الحقيقي..
فلا تفرط فيه عشان شاشة وكلمتين!
@إشارة
ليست هناك تعليقات:
إرسال تعليق