فيه أزمات ربنا بيحطها في طريقنا مش عشان يكسرنا، لكن عشان يقرّبنا منه أكتر

فيه أزمات ربنا بيحطها في طريقنا مش عشان يكسرنا، لكن عشان يقرّبنا منه أكتر.. عشان نرجع ندعي من قلبنا، ونفهم إننا مش لازم نفضل قاسيين على نفسنا طول الوقت ، 

أوقات كتير بنعدّي بحاجات صعبة ونفتكر إنها نهايتنا، وبعدها نكتشف إنها كانت بتكشف لنا نفسنا الحقيقية.. بتورينا إن جوانا قوة أكبر بكتير من اللي كنا متخيلينها ،

وفيه ابتلاءات بتغيّرك من جواك، تهدّي غرورك، وتعلّمك الصبر، وتخلّيك أرحم بنفسك وباللي حواليك.. لحد ما تبص لنفسك بعد كل اللي عديت بيه وتقول: أنا مكنتش ضعيف.. أنا كنت محتاج أعرف أنا أقدر على إيه ،

 يمكن اللي بتعيشه دلوقتي مش عقاب، يمكن دي الطريقة اللي ربنا بيجهّزك بيها لنسخة أحسن منك.. نسخة أهدى، أقوى، وأقرب له .

بقلم ...عاشقة الوطن سحر غانم