بخصوص مشكلة الخطوط باسماء مواطنين و لا يعرفوا عنها حاجه في غلطه الناس اللي تعمل محضر👇

كتب لكم المقااال 👇

بقلم ✍️احمد حمدى مستشار علاقات دبلوماسية المجلس العربى الافريقى الدولى للعلاقات الدبلوماسية ورئيس اللجنة العليا لتظيم الاعلام 

بخصوص مشكلة الخطوط باسماء مواطنين و لا يعرفوا عنها حاجه في غلطه الناس اللي  تعمل محضر إثبات حالة بإيقاف الخط ده اعتراف رسمي منها إن ده الخط بتاعها و بيعفي شركة الاتصالات من أي مسؤولية مدنية أو جنائية ... طب نعمل إيه؟ ...

تعال أنا أقولك قانوني في البلد تتصرف إزاي لو في حالة إنك لقيت خطوط باسمك أنت ما تعرفش عنها حاجة

 #أول خطوة تعملها لازم تتأكد إن في خطوط باسمك وأنت ما اشتريتهاش ومش في حيازتك. هتدخل على موقع اسمه نيترا، NTRA. ده يعتبر الأبليكيشن الرسمي لجهاز تنظيم الاتصالات هيطلب منك شوية خطوات في الأول لغاية ما يوصلك لحتة أرقامي تدخل رقمك القومي وتدخل رقم تليفونك واسمك وهم هيبحثوا في الأربع شركات و يقولولك إذا كان عندك خطوط تانية ولا لأ في حالة إنك لقيت هتعمل التالي تتوجه لأقرب قسم ليك وتقدم بلاغ في شركة المحمول بالتزوير إن هما عملوا رقم تليفون بدون علمك و باسمك وبدون توقيعك تتهم الشركة اتهام رسمي مع تحملها كامل المسؤولية.. مش توقف الخط

 #تاني حاجة هتاخد بعضك وتطلع تقدم طلب في النيابة والكلام ده ممكن أي محامي يعمله بإلزام شركة المحمول اللي أصدرت خط باسمك بدون علمك إنها تقدم العقد الخاص بالتعاقد لشراء خط مع تمسكك بحقك في الطعن بالتزوير وتتهم مسؤولين الشركة رسمياً في النيابة

 #تالت خطوة هتقدم شكوى في الجهاز القومي لتنظيم الاتصالات بمضمون ما تم من الشركة ومخالفة قانون تنظيم الاتصالات وده تقدر تعمله أونلاين..

. #رابع خطوة ودي الأخيرة، هتعمل إنذار رسمي على يد محضر للشركة بإخلاء مسؤوليتك عن الخط واحتفاظك بحقك بالطعن والتزوير والتعويضات وعلى فكرة ممكن تطلب ملايين وتخرب بيت الشركة. وتحملهم كامل المسؤولية المدنية والجنائية وخلي بالك الاثنين غير بعض عن استخدام الخط باسمك بدون علمك. أي حاجة من دول هتفوتها ممكن توصلك لمحكمة الجنايات وتلبس تأبيدة زي الشاب الغلبان ده اللي ما يعرفش أي حاجة عن الخطوط هتقولي طب جابوا اسمي ورقمي القومي منين؟...

 العيال اللي شغالين في شركات الاتصالات دي بيبقى قدامهم تارجت كل شهر لازم يحققوه فبيباصوا بعض الأرقام بالأسماء بالداتا كاملة عشان يعملوا حاجة اسمها باقة شركات... تبص تلاقي عشر خطوط متسجلة باسم شخص واحد وهو ما يعرفش عنها حاجة مواطنه لسه دلوقتي مكتشفة إن عندها تسع خطوط على شركة أورانج تحديداً لا عمرها شافتهم ولا تسمع عنهم خدت بعضها وطلعت على القسم بصت لقت القسم مليان ناس بيعملوا محاضر إثبات حالة وبيرتكبوا نفس الغلطة اللي أنا بحذرك منها إوعى تعمل محضر إثبات حالة بإيقاف الخط عشان ده اعتراف ضمني منك إنه يخصك  و أنت بس رايح توقفه ما تعملش كده وانكر إن الخط ده بتاعك اعمل الخطوات اللي قلت لك عليها دي والكلام ده قانوني مية في المية وتقدر تطالب بتعويض حقك المدني مليون في المية قضية كسبانة ده غير طبعاً جناية التزوير اللي هم هيلبسوها و ربنا يقدرنا على فعل الخير ويرحمنا من الناس اللي بتشغل مخها علينا... 

دمتم بخير 😊