بنت الراجل اللي اتربت في بيت رجالة، اتربت على العزة قبل الغنى، وعلى الكرامة قبل أي حاجة. اتعودت إن الشبع مش بس شبع أكل، ده شبع نفس، وعين مليانة، وقلب راضي.
اللي رباها راجل علّمها الأصول، وعرفها إن الاحترام بيتاخد قبل ما يتطلب، وإن الست القوية مش اللي صوتها عالي، لكن اللي قيمتها عالية.
اللي طلعت من بيت أصيل، لا يتخاف منها ولا يتخاف عليها. لأنها تعرف إمتى تتكلم وإمتى تسكت، وإمتى تمشي من المكان اللي يقلل منها من غير ما تبص وراها.
بنت الراجل متستناش حد يسندها، لأنها اتعلمت تسند نفسها الأول. ولو لقت راجل حقيقي، هتكون له ضهر وسند وشريكة عمر، لكن عمرها ما هتقبل تعيش مكسورة أو متهانة.
هي مش مغرورة... هي عارفة قيمتها. ومش قاسية... هي بس متربية إنها متفرطش في كرامتها.
وبنت الأصول مهما شافت من الدنيا، عمرها ما تنسى تربيتها، ولا تقل أدبها، ولا ترد الإساءة بإساءة. لأنها عارفة إن الأصل بيبان وقت الشدة.
وفي الآخر... اللي اتربت على إيد راجل بحق، تعرف إن الحب احترام، وإن العِشرة مودة، وإن الكرامة خط أحمر، وإن اللي يقلل منها يخسرها... لكن عمره ما يكسرها.
بقلم عاشقة الوطن سحر غانم
ليست هناك تعليقات:
إرسال تعليق