حـسـبـنـا الـلـه ونـعـم الـوكـيـل!!!!!!!
متابعة بقلم
✍️احمد حمدى مستشار علاقات دبلوماسية المجلس العربى الافريقى الدولى للعلاقات الدبلوماسية ورئيس اللجنة العليا للصحافة والاعلام
لما يوصل الافتراء والإجرام بـ مقاول
في العاصمة الإدارية إنه يعري راجل غلبان من هدومه، يضربه بالقلم
ويرجع يوقفه على حيله عشان
يضربه تانی، ويهينه ويصوره بكل
خسة ونذالة... كل ده ليه؟! علشان
الراجل الغلبان بيطالب بحقه
وقوت عياله!
يا وجع القلب على كسر نَفْس راجل شريف.. راجل طالع يطفح الدم وياكل عيش بالحلال عشان يرجع لبيته بـ 100 جنيه يطعم بيها ولاده! راجل ملهوش غير ربنا، وعنده بنات على وش جواز .. ليه تكسروه وتفضحوه قدام عياله والناس كده؟! ليه يترد تعبه وعرقه بإهانة كرامته وكسر نفسه بالمنظر البشع ده؟!
والله حرام.. الظلم ده عند ربنا كبير، والله ما يرضى بالافتراء والاستقواء ده على الغلابة!
⚖️ مـطـلـبـنـا الـعـاجـل
بنتوسل للسيد المستشار النائب العام، والسيد وزير العمل، يتدخلوا فوراً
ويحققوا في الجريمة البشعة دي.
#صوت الراجل ده لازم يوصل ، وكرامته لازم ترجع ، والمجرم ده لازم يتحاسب وياخد أقصى عقوبة عشان يكون عبرة لكل واحد يفكر يستقوى على الغلابة وياكل حقوقهم!
#الساكت عن الحق شيطان أخرس.. شيروا البوست في كل مكان خلوا الصوت يوصل والحق يرجع لصاحبه!
حسبنا الله ونعم الوكيل في كل غادر😔
ليست هناك تعليقات:
إرسال تعليق