بقلمى ✍️احمد حمدى
مستشار علاقات دبلوماسية المجلس العربى الافريقى الدولى
كتبة واعدة لكم المقاااول 👇
💛إزاي تخلي بيتك بعيد عن المشاكل؟
مفيش بيت في الدنيا مبيحصلش فيه خلافات، لكن الفرق بين بيت وبيت إن في ناس بتعرف تحتوي بعض وتعدّي المواقف بحب وحكمة.
الكلمة الحلوة ليها مفعول السحر، والاهتمام بالتفاصيل الصغيرة بيعمل فرق كبير. مراتك مش محتاجة منك حاجات كبيرة قد ما محتاجة تحس إنك مقدرها، وسامعها، ومهتم بيها.
رسالة حلوة، كلمة تشجيع، سؤال بسيط عن يومها، أو حتى نظرة تقدير بعد يوم طويل من التعب، كل دي حاجات بتقرب القلوب من بعض وبتزود المودة بين الزوجين.
لكن الجفاء، وقلة الاهتمام، والتعامل الجاف، بيعملوا مسافات بين القلوب حتى لو الناس عايشة في بيت واحد.
الحياة الزوجية مش منافسة عشان نشوف مين كسب ومين خسر، لكنها شراكة ورحمة ومودة. عشان كده التغافل عن الأخطاء الصغيرة، والاعتذار وقت الغلط، والكلمة الطيبة وقت الزعل، من أهم أسرار البيوت المستقرة.
افتكر دايمًا إن زوجتك مش خصمك، دي شريكة عمرك وسندك في الحياة. وأحيانًا حضن صادق أو كلمة زي: "أنا مقدر تعبك" أو "ربنا يخليكي ليا" بيكون تأثيرهم أكبر من ألف نقاش.
البيوت السعيدة مش بتتبني بالفلوس بس، لكنها بتتبني بالحب والاحترام والتقدير. وكل خير بتزرعه جوا بيتك، هيرجعلك راحة وسكينة ومحبة.
كتابة: شيماء عبدالعال أخصائية إرشاد و دعم نفسي..و كاتبة قصص اطفال
ليست هناك تعليقات:
إرسال تعليق