أوقات الضحكة بتخبي وجع
وجع متداري جوة الضلوع*
نرسم بسمة.. عشان ما نقولش آه
ونقول للناس: إحنا تمام.. وقلبنا موجوع
نضحك بصوت عالي مش فرح
ده صوت الألم لما بيصرخ ويجترح
بنضحك عشان ما نبكيش
ونداري دمعنا في عتمة الجرح
بين أطلال الليل مثل
الجفا مش بييجي فجأة…
إحنا اللي بنعلّمه لبعض
مش البُعد بس هو اللي بيخلق الجفا
الجفا بيبدأ من تفاصيل صغيرة
بتتكرر لحد ما تكبر
وتكسر كل حاجة حلوة بيننا
قسوة القلب… بتعلّم الجفا
ردود الفعل المبالغ فيها… بتعلّم الجفا
الزعل اللي بيزيد عن حده… بيعلّم الجفا
الصمت الطويل كعقاب… بيعلّم الجفا
الإحساس إن وجودك بقى عادي…
مالوش قيمة… بيعلّم الجفا
خيبة الأمل والخذلان… بيعلّموا الجفا
وقلة التقدير… أسرع طريق ليه
كل موقف من دول
بيحط طوبة في حيطة بيننا
لحد ما الحيطة تكبر
وما نعرفش نوصل لبعض تاني
وفي الآخر…
مش بيبقى فيه صوت، ولا عتاب، ولا حتى زعل
بيبقى فيه قرار واحد بس:
قطع حبال الود والمحبة… بهدوء
لعل الله يحدث بعد ذلك أمرا
جابر_الخواطر
صباح خالد
ليست هناك تعليقات:
إرسال تعليق