انا شريكتك ومش دومية...ولا معتوه ولا عمية ....ولا انت أمير وانا الجارية ...فأحسن ليه المعاملة...وبلاش عليه تتسيد....لا انا عابدة ولا أمينة ولا انت حتي سي السيد...ف الصح اشورك واايد...مع الاحتفاظ بكرامتك. ..وليك الحق ف مشورتك.. .وكلمة تقوله من عندك اكيد نافذة....لكن باقول انا عاوزة.....ما بنا الود....بلاش ف الطبع انت تشد....اوصل بنا حبل الود...وبلاش بفعلك تبقي دون.....بلاش تاسي ولي بتخون...وخاف من عقاب رب الكون...وبلاش تامر وتتسيد...لا انا عابدة ولا أمينة ولا انت حتي سي السيد...برغم الست جنس لطيف لكن ف ظروفها تبقي قوية...وف الموقف تشوفها عافية...لكن لو شافت حنية تبقه ملاك....تقول امرك ايبقه مطاع وانا وياك.....واكيد بالرضا تلاقيها مش بالعراك....وبلاش تنكر وقوفها معاك....شالت ياما ع اكتافها...حمول وحمول...ومهما تطلب اتلاقي معك ف القول...وعيشه حلوة او مره معاك ع طول....ف لي تغضب ولي بتثور...عشان يقولو انك راجل...وع الفعل طاغي وقادر...وعاوزة هي تتنازل...عشان ترضي سي السيد...بلاش ف الدنيا تتسيد...دا احنا عبيد...بلاش ف الغرور دا تزيد...واحسن معاملتك والقول....لأحسن لو وقعت اتعجز..ولا ايدك ف يوم أطول....وبلاش تربي جواك شيطان....وفعلك يبقه ديما سو...وقدام البشر غلبان...بلاش تلبس قناع مش لونك...وتعمل فارس من الفرسان. ...كفاية بقا بزيادة....ولي الكدب بقه عادة....هي مش محتاجه خدا او غش....بلاش تغير بقه وشك لمليون وش...وارضي وعيش...بلاش تستقوي متفتريش....اوقات الست تطلب منك تقول ممعيش...مفيش ف ايدي ولا حاجة وما بيديش...تيجي الست تقول معلش ومعك من قليلو تعيش....ف لي عاملي سي السيد...ولا هي جارية ولا أمينة ولا انت حتي سي السيد....الست معك طالبه امان...دا ربك وصي ف القرآن بالإحسان...اني نلاقي ف قلوبنا حنان...مش خوف ورعب..ف مخلوق صعب...ميتقالش عليه غير انه جبان...فبلاش ف طبعك تتسيد...لا الست جارية ولا وصيفه وعابدة ولا أمينة ولا انت حتي سي السيد....كلمات عاشقة الوطن الشاعرة سحر غانم
ليست هناك تعليقات:
إرسال تعليق